E rëndë në Kamëz: 51-vjeçari humb jetën nga goditja elektrike, ra në kontakt me energjinë teksa ishte duke punuar

Një ngjarje e rëndë ka ndodhur pasditen e kësaj të diele në Kamëz, ku një 51-vjeçar humbi jetën pasi ra në kontakt me energjinë elektrike. Sipas policisë, shtetasi me iniciale A.L. po rregullonte një defekt elektrik në zonën e Valias rreth orës 16:45 kur për shkak të kontaktit me energjinë ka ndërruar jetë. “Rreth orës 16:45, në Valias, shtetasi A. L., rreth 51 vjeç, dyshohet se gjatë kohës që po rregullonte një defekt elektrik ka rënë në kontakt me energjinë elektrike, dhe për pasojë ka humbur jetën. Grupi hetimor ndodhet në vendngjarje dhe po punon për sqarimin e rrethanave të rastit.“, thuhet në njoftimin e policisë.