Nis sot faza e dytë e regjistrimeve në Universitetin e Tiranës, zgjat 48 orë

Në Universitetin e Tiranës ka nisur sot faza e dytë e regjistrimeve për vitin akademik 2025–2026. Në një postim në rrjetet sociale UT sqaron se “sot fillon faza II e raundit të parë të regjistrimeve, e cila do të zgjasë vetëm 48 orë”. Kandidatët fitues duhet të paraqiten pranë sekretarive mësimore të fakulteteve përkatëse me dokumentacionin e nevojshëm për të përfunduar procesin e regjistrimit. UT theksoi se “pas çdo raundi zhvendoset vija e kuqe në listë dhe mund të përfshihen fitues të rinj, të cilët regjistrohen vetëm në fazën pasardhëse”.   Raundi i parë i regjistrimeve zhvillohet nga data 29 gusht deri më 11 shtator 2025, i ndarë në 7 faza 48-orëshe: Faza I ishte më 29–30 gusht; Faza II është nga sot, 31 gusht...