Sekretari Amerikan i Shtetit, Marco Rubio: Thirrjet iraniane për ekzekutimin e kreut të IAEA-s, Grossi, ”të papranueshme”

Sekretari Amerikan i Shtetit, Marco Rubio, e ka quajtur “të papranueshme” një thirrje nga një gazetë iraniane për dënimin me vdekje ndaj kreut të Agjencisë Ndërkombëtare të Energjisë Atomike (IAEA), Rafael Grossi. “Thirrjet në Iran për arrestimin dhe ekzekutimin e Drejtorit të Përgjithshëm të IAEA-së, Grossi, janë të papranueshme dhe duhet të dënohen. Ne mbështesim përpjekjet kritike të verifikimit dhe monitorimit të IAEA-së në Iran”, shkroi Rubio në X. Ai përgëzoi Grossin dhe IAEA-në për përkushtimin dhe profesionalizmin e tyre dhe i bëri thirrje Iranit të sigurojë sigurinë e personelit të IAEA-së. E përditshmja ”Kayhan” me seli në Teheran e kishte akuzuar Grossin për spiunazh për Izraelin. Gazeta shihet në Iran si një media propagande qeveritare, me kryeredaktorin Hossein Shariatmadari të përshkruar si një islamist...