Zuckerberg, Musk dhe Huang kundërshtojnë planin për mbikëqyrjen e AI në SHBA

Mark Zuckerberg, Elon Musk dhe Jensen Huang kanë kundërshtuar krijimin e një organi të ri për mbikëqyrjen e inteligjencës artificiale në Shtetet e Bashkuara, duke e shprehur shqetësimin e tyre drejtpërdrejt te presidenti Donald Trump. Sipas raportimeve të The Wall Street Journal, drejtuesit e Meta, SpaceX dhe Nvidia kanë zhvilluar biseda të veçanta me Trumpin, gjatë të cilave kanë kundërshtuar propozimin për krijimin e një strukture të financuar nga vetë industria e inteligjencës artificiale. Pas këtyre diskutimeve, propozimi nuk është çuar përpara nga administrata. Ideja për krijimin e një organi të tillë ishte mbështetur nga Demis Hassabis, drejtues i Google DeepMind. Struktura do të ngjante me FINRA-n, organizatën që mbikëqyr një pjesë të industrisë financiare amerikane, dhe do të kishte për qëllim vendosjen e standardeve...