Zjarre në Mallakastër, aktive prej disa ditësh! Gjatë ditës së sotme pritet ndërhyrja me helikopterë

Vijon të jetë aktive prej tre ditësh vatra e zjarrit në masivin pyjor Lofkënd-Drenie-Vlosh të bashkisë Mallakastër. Sipas përgjegjësit të sektorit të mbrojtjes civile pranë Prefekturës Fier, Kreshnik Ymeraj gjatë ditës së sotme po me operohet me 5 mjete zjarrfikëse të cilët po operojnë në një terren tepër të vështirë. Ndërsa pritet sërish ndërhyrje nga ajri për neutralizimin e plotë të vatrës masive të zjarrit. Ndërkohë situata e zjarrit në Lofkënd u monitorua në terren pasditen e djeshme edhe nga Ministri i Mbrojtjes Pirro Vëngu, i shoqëruar nga Drejtori i Përgjithshëm i agjencisë kombëtare te mbrojtjes civile Haki Çako. Top Channel