Vrau gruan dhe 2 vajzat e komentatorit të BBC-së/ DALIN PAMJET, autori largohet i qetë me harkun në dorë
Pamjet kur largohet i qetë
BRITANI- Pamjet që po shihni tregojnë ish-ushtarin Kyle Clifford duke u larguar nga skena e vrasjes së trefishtë në Hertfordshire të Britanisë. Familja e komentatorit sportiv të BBC-së, John Hunt, është shkatërruar, pasi gruaja e tij, Carol, dhe dy vajzat e tyre, Louise dhe Hannah, u gjetën të vrara në shtëpinë e tyre në Hertfordshire.
Gruaja 61-vjeçare e Hunt dhe dy vajzat e tyre, 25 dhe 28 vjeçe, u gjetën të vrara me shigjetë në shtëpinë e tyre, sipas mediave lokale. Daily Mail publikoi pak kohë më vonë një video të personit të armatosur, ish-ushtarit dhe ish-partnerit të 25-vjeçares Louise, Kyle Clifford. Në video shihet Clifford duke dalë nga shtëpia e viktimave pasi i ka lidhur dhe vrarë, duke mbajtur, harkun, siç theksojnë mediat britanike, të mbështjellë me një çarçaf të bardhë.
Policia ka gjetur makinën e të dyshuarit 26-vjeçar dhe tani është në kërkim të tij. Ata gjithashtu u kanë kërkuar qytetarëve që të njoftojnë autoritetet nëse shohin Clifford, duke i paralajmëruar që të mos i afrohen atij. Ai përshkruhet si i rrezikshëm dhe ndoshta edhe i armatosur. Shkollat në zonë janë mbyllur, me mësuesit që u bëjnë thirrje prindërve që të marrin fëmijët e tyre dhe të shkojnë direkt në shtëpi./ZËRI
Burimi
