Vrasja e Enver Ballës, fqinjët: Djali që e vrau këmbënguli që babai të martohej për herë të dytë

fqinji i familjes balla

DURRËS- Banorët e Shënavlashit janë të shokuar nga vrasja e Enver Ballës, i cili u qëllua nga djali i tij dhe më pas u hodh në pus, ndërsa konflikti mes të dyve dyshohet se ka nisur për një shumë parash që familja i kishte kursyer, me qëllim ndërtimin e një banesë.
Të paktën publikisht, familja Balla nuk ka pasur probleme, ndërsa fqinjët thonë se babë e bir kishin marrëdhënie të mirë mes tyre. Një prej fqinjëve rrëfen se madje fëmijët janë bërë shkak që Enveri të martohej për herë të dytë, pasi kishte humbur bashkëshorten e tij.
“Ka punuar, fëmijët kanë shkuar mirë babë e bir. Me thënë të drejtën në komunitetin që na rrethon, nuk ka pasur ndonjë sy për të keq, kanë shkuar shumë mirë banbë dhe djalë. Si ndodhi kjo, fundin nuk ia dimë”, u shpreh një banor i zonës.
Enveri merrej me blegtori. Para disa vitesh, gruaja e tij, nëna e Esmeraldit, autorit të ngjarjes, ndërroi jetë. Mirëpo sipas të afërmve, pas këmbënguljes së fëmijëve, madje vetë 30-vjeçarit, ata arritën që ta martojnë sërish babain.
“Djalin e njofim, kanë shkuar babë e mirë. Saqë edhe e martuan babën fëmijët. Ky që ka bërë këtë akt të shëmtuar e ka martuar babën. Të martosh babanë është krenari”, tha banori.

Ai tregoi më tej se në fshat ishte përhapur lajmi se Enveri kishte shkuar me një grua tjetër. Këtë version Esmerald Balla e ka mbajtur kur ka denoncuar zhdukjen e të atit në polici.
Por kjo nuk i ka bindur hetuesit që pas verifikimeve zbuluan se 62-vjeçari Balla u vra nga djali. Për të zhdukur gjurmët, i riu e hodhi të atin në një pus dhe për këtë bashkëpunoi me një 25-vjeçar, i vënë tashmë në pranga. Shkak për krimin janë bërë 7 milionë e 500 mijë lekë të reja, kursime të familjes për të cilat djali i kishte marrë nga kasaforta e shtëpisë, ndërsa akuzonte babanë se ia kishte vjedhur ai. Sherri kulmoi në 13 Gusht në afërsi të stanit të tyre në arat e fshatit Shënavlash, ku 30-vjeçari e qëlloi babanë me këtë pistoletë që më pas e hodhi në një kanal./ZËRI 
Burimi