Vizita në Konispol/ Mediat greke ‘shënjestrojnë’ Begajn: Provokim! Ceremoni ‘antigreke’

Titujt e mediave greke dhe Presidenti, Bajram Begaj

TIRANË- Mediat greke kanë vënë këtë të martë nën “shënjestër”, Presidentin, Bajram Begaj pas vizitës së këtij të fundit në Konispol, ku vendosi një kurorë në vendin ku nderohen viktimat e gjenocidit grek ndaj çamëve, në monumentin “Trëndafili i Çamërisë”. Sipas mediave greke, Begaj është i kontrolluar nga Rama dhe se akti i fundit ishte një tjetër provokim pas arrestimit të Fredi Belerit. Ndërkohë një tjetër media greke, “Kathimerini”, shkruan se Presidenti i Shqipërisë mori pjesë në një ceremoni antigreke.
Shkrimi i plotë i “Protothema-s”
Edi Rama përdor çështjen e çamëve për t’iu përgjigjur zhvillimeve në çështjen Beleri dhe deklaratës eksplicite të Athinës se shkeljet e shtetit ligjor dhe të të drejtave individuale, si dhe ajo që ndodhi në bashkinë e Himarrës, ndikon në Europën e saj. Prespektive.
Në një kohë kur tensioni në marrëdhëniet dypalëshe mbetet, pavarësisht lejes gjashtëditore që i dha Fredi Belerit për t’u betuar në Parlamentin Europian, Tirana shfaq humorin e saj duke e ngritur çështjen e Tsamidonit në nivelin më të lartë. Për herë të parë që kur organizatat nacionaliste të çamëve ngritën monumentin “Trëndafili i Çamërisë” pranë kufirit me Greqinë për të përkujtuar “Gjenocidin e Çamëve”, festimet u kremtuan nga vetë presidenti i Republikës së Shqipërisë Bajram Begai, i cili është një zgjedhje personale dhe i kontrolluar plotësisht nga Rama. 
Vendosja e një kurore nga Presidenti i Shqipërisë në një monument që paraqet akuza ahistorike dhe të rreme dhe lë të kuptohet për pretendime territoriale ndaj Greqisë, është një veprim që i referohet nacionalizmave të palejueshme të kohëve të shkuara, thanë burime diplomatike. U shtua se ky akt, i papajtueshëm me të vërtetën historike, cenon zhvillimin e marrëdhënieve të fqinjësisë së mirë mes vendeve tona.
Deri tani kanë marrë pjesë vetëm disa përfaqësues partiakë në këto aktivitete që kultivojnë nacionalizmin antigrek në Shqipëri, të cilat organizohen çdo vit nga Partia e Çamëve (PDIU) dhe “Shoqata Patriotike e Çamërisë” në zonën e Konispoli pranë kufirit grek. Monumenti i kushtohet Çamëve, të cilët sipas këtyre organizatave nacionaliste, ishin viktima të “gjenocidit ” në Greqi.
Udhëheqjet shqiptare miratojnë sistematikisht axhendën shpenguese antihelene të organizatave çame dhe tentojnë ta fusin këtë çështje në axhendën dypalëshe greko-shqiptare, ndërsa Edi Rama, në mitingun parazgjedhor që zhvilloi në Galatsi, nxitoi të ngrejë çështjen e çamëve, duke pasur parasysh se në këtë mënyrë merr votat e tyre dhe njëkohësisht gjen një levë presioni ndaj Greqisë.
Shkrimi i “Kathimirini”
Sipas asaj që raporton në publikimin e TCH shqiptar, presidenti i Shqipërisë, Bajram Begai dje ka “pjesë” në një aktivitet përkujtimor të mbajtur në Konispoli, për “çmët që humbën jetën në periudhën 1944-45”. Në të njëjtin kontekst, Begai ka vendosur edhe një kurorë lulesh në kujtim të “viktimave”.
Bajram Begai është presidenti i parë i Shqipërisë që nderon kujtimin e “2900 viktimave të gjenocidit grek dhe spastrimit etnik të shqiptarëve të Çamurisë”, thuhet në një deklaratë të partisë PDIU të Çamëve./ZËRI
Burimi