Tronditet sërish vendi/ Arrestohet 44-vjeçari në Tiranë, ngacmoi seksualisht një të mitur

Foto ilustruese

TIRANË- Një tjetër ngjarje tronditëse ka ndodhur në vendin tonë. Një 44-vjeçar në Bathore të Tiranës është arrestuar nga policia pasi ka ngacmuar seksualisht një të mitur.
Mosha e të miturës nuk është bërë e ditur, por në pranga të policisë ka rënë 44-vjeçari me inicialet D.K.
“Specialistët për Hetimin e Krimeve në Komisariatin e Policisë Nr. 5 arrestuan shtetasi D. K., 44 vjeç, banues në Bathore, pasi dyshohet se ka ngacmuar seksualisht një shtetase të mitur”, njofton policia. 

Po ashtu këtë mëngjes një tjetër ngjarje tronditëse u shënua, ku 71-vjeçari, Pëllumb Lamçe, tentoi të përdhunoi një 9-vjeçare në këndin e lojërave. Fatmirësisht e mitura u shpëtua nga një vajzë më e rritur, e cila pasi u afrua pa të moshuarin gjysmë të zhveshur dhe po e tërhiqte nga vetja. Policia po e heton rastin, pasi sipas disa banorëve ai është parë duke e ngacmuar vajzën prej disa ditësh dhe madje është dëgjuar t’i thotë se do t’i jap para. /ZËRI
Burimi