Shantazhonin persona të ndryshëm për t’iu marrë nga 1 mijë euro, arrestohen tre të rinjtë

Foto ilustruese

TIRANË- Tre persona janë arrestuar nga policia në Tiranë, pasi shantazhonin me anë të kanosjes persona të ndryshëm për t’u marrë para.
Tre personat operonin në zonën e “Xhamllikut”, ndërsa autorët janë Lulzim Kërçiku, 20 vjeç dhe 2 të mitur, 16 dhe 17 vjeç. 
Tre të rinjtë në bashkëpunim me njëri-tjetrin, dyshohet se shantazhonin me anë të kanosjes, persona të ndryshëm, për dhënie pasurie, për shuma që varionin deri në 1000 euro.
“Finalizohet operacioni policor i koduar “Xhamlliku”, nga Komisariati i Policisë Nr. 4.
Shantazhonin me anë të kanosjes për dhënie pasurie, arrestohen 3 shtetas.
Dokumentohen 2 ngjarje të kësaj natyre, kryer nga 3 autorët e dyshuar.
Shërbimet e Komisariatit të Policisë Nr. 4, në vijim të punës për goditjen e paligjshmërive në çdo formë të shfaqjes së tyre, kanë organizuar dhe finalizuar operacionin policor të koduar “Xhamlliku”.
Si rezultat i tij u ndalua shtetasi L. K., 20 vjeç, banues në Tiranë, si dhe 2 shtetas të moshës 16 dhe 17 vjeç, për veprën penale “Shtrëngimi me anë të kanosjes ose dhunës për dhënien e pasurisë” kryer në bashkëpunim, parashikuar nga neni 109/b i Kodit Penal.
Këta shtetas në bashkëpunim me njëri-tjetrin, dyshohet se shantazhonin me anë të kanosjes, persona të ndryshëm, për dhënie pasurie, për shuma që varionin deri në 1000 €.
Gjatë hetimeve të kryera janë dokumentuar 2 raste të kësaj veprimtarie kriminale, me autorë të dyshuar 3 të ndaluarit.
Materialet i kaluan Prokurorisë”, njofton policia. /ZËRI
Burimi