Plagosja e 26-vjeçarit në Laç gjatë aksionit të Policisë, Gjykata e Lezhës cakton masat e sigurisë për dy të arrestuarit

Foto ilustruese

LEZHË- Gjykata e Lezhës ka dhënë masën e sigurisë për dy personat që u arrestuan gjatë aksionit në Laç. Mësohet se 28-vjeçari Klaudio Buraku u la në burg. Ndërsa xhaxhai tij Gjin Buraku, që dyshohet se plagosi një 26-vjeçar u la i lirë kundrejt garancisë pasurore dhe u vendos ndalimi i largimit nga Shqipëria.

Ngjarja ndodhi më 13 mars në Laç, ku Policia zhvilloi një aksion për të kapur 28-vjeçarin që konsiderohej një person me rrezikshmëri të lartë, pasi lëvizte me armë zjarri në qytet. Në momentin që është ndaluar, efektivët kanë dëgjuar të shtëna me armë./ZËRI