Në kërkim për trafikun e drogërave të forta, arrestohet në Itali Vath Balla

Vath Balla

ITALI- Është arrestuar në Itali, me qëllim ekstradimin drejt Shqipërisë, 31-vjeçari Vath Balla.
Sipas Policisë, Balla ka qënë në kërkim prej vitit 2019, për shitjen e drogërave të forta.
Balla kishte siguruar 12 kilogramë heroinë dhe kokainë, me qëllim shitjen e saj në qytetin e Durrësit.
“Si rezultat i informacioneve të siguruara nga strukturat e specializuara të Policisë së Shtetit, për vendndodhjen e një shtetasi shqiptar, të shpallur në kërkim ndërkombëtar, si dhe i shkëmbimit të këtyre informacioneve, në kohë reale, me partnerët e Interpol Romës, u mundësua kapja dhe arrestimi në Itali, me qëllim ekstradimin në Shqipëri, i shtetasit V. B., 31 vjeç, i lindur në Durrës.
Gjykata e Durrësit, në vitin 2021, i ka caktuar këtij shtetasi, masën e sigurisë “Arrest në burg”, për veprën penale “Prodhimi dhe shitja e narkotikëve”.
Gjatë periudhës hetimore ka rezultuar se në vitin 2019, shtetasi V. B. kishte siguruar 7 kg lëndë narkotike heroinë dhe 5 kg lëndë narkotike kokainë, me qëllim shitjen në Durrës”, njofton policia.
Burimi