Kapen 47 kilogramë kokainë në Zvicër, në pranga 5 shqiptarë, e kishin fshehur nëpër valixhe

Foto ilustruese

ZVICËR- Një sasi prej 47 kilogramësh kokainë është zbuluar gjatë një kontrolli doganor, tha sot në një deklaratë policia kantonale e Zyrihut në Zvicër.
Pesë trafikantë të dyshuar droge u arrestuan në aeroportin e Zyrihut me 47 kilogramë kokainë të fshehura në një valixhe.
Të gjithë të arrestuarit janë shtetas shqiptarë me banim jashtë vendit dhe të moshës 25 deri në 40 vjeç.
Pas marrjes në pyetje nga policia, ata janë paraqitur në prokurorinë kompetente.
Hetimet për rastin po vijojnë me intensitet, ndërkohë që të tjera detaje priten në vijim.
Burimi