Kandidatët për Këshillin Drejtues në RTSH prezantojnë platformat në Komisionin e Medias

TIRANË- Komisioni i Medias zhvilloi sot seancën dëgjimore me kandidatët për anëtarë të Këshillit Drejtues të Radio Televizionit Shqiptar. Në Komision u prezantuan 23 kandidatë, ndërsa 3 kandidatë që ndodhen jashtë shtetit do të paraqesin programin e tyre online.

Në listë spikaten emra të njohur të artit, kinematografisë, edhe medias. Gjatë prezantimit tyre kandidatët u shprehën se në RTSH ka nevojë për ndryshime, nisur nga pavarësia politike, digjitalizimi dhe sa më shumë programe për publikun.

Një nga kandidatët për anëtar të Këshillit Drejtues, Agim Bajko tha se “periudha 20-vjeçare në median e shkruar e elektronike janë një bagazh mjaft i çmuar për këtë post për të cilin kandidoj”.

Ndërsa, Alfons Zeneli u shpreh se “kontributi im në këtë këshill do të jetë efikas për shkak të eksperiencës së gjatë që kam në RTSH duke pasur parasysh gjithë ato kanalet, labirintet sesi funksionojnë punët në televizion”.

Nga ana tjetër, Alket Braho tregoi arsyet e tij të kandidimit ku theksoi se “besoj se i përmbush kriteret në aspektin formal, por nuk është se kjo arsyeja domethënëse”. Besoj se me formimin tim profesional mund të jap kontributin tim të rëndësishëm për transmetuesin publik në Shqipëri. RTSH ka pasur dhe duhet të ketë një rol të rëndësishëm në informimin e publikut dhe edukimin e qytetarëve dhe promovimin e traditave tona të kulturës dhe identitetit kombëtar”, u shpreh ai.

Kandidati Arben Derhemi tha se “disa prej pikave kryesore që mendoj se duhet të ndryshojnë në RTSH janë pika që kanë të bëjnë me artin kulturën filmin në përgjithësi, prodhimin nga ana e një të televizioni të tillë, që duhet të japë llogari për një publik të tërë dhe paanësinë politike, profesionale të atij televizioni. Një pikë tjetër është zhvillimi i atij televizioni nga ana e cilësisë së programeve, të cilët edukojnë një popull të tërë dhe një rini të tërë, të cilën duhet ta kemi shumë parasysh se është një televizion që në fund të fundit jep llogari para një publiku të tërë, ndaj quhet RTSH”.

Kandidatja tjetër Anila Varfaj tha se “RTSH ka disa mangësi, pasi politika editoriale deri diku ka qenë jo gjithëpërfshirëse. Një ndër gjërat do theksoja nevoja për të qenë spektri i humorit, digjitalizimi dhe së treti doja të ndaloja tek një aspekt i pakundërshtueshëm që është orkestra e RTSH, e cila mund të bëjë që ky institucion të njihet jo vetëm institucionalisht, por edhe ndërkombëtarisht”.

Seanca dëgjimore me kandidatët e tjerë për anëtarë të Këshillit Drejtues të RTSH do të zhvillohet ditën e nesërme.

Lista e 68 kandidatëve për Këshillin Drejtues të RTSH:

1. Agim Bajko

2. Alfons Zenelaj

3. Alket Braho

4. Anila Varfaj

5. Anna Kove

6. Arben Derhemi

7. Arben Lami

8. Arben Muça

9. Arian Syknej

10. Arjan Çuliqi

11. Artan Maku

12. Artan Reçi

13. Artur Zonja

14. Bardhyl Sejdarasi

15. Besnik Bisha

16. Belioza Çoku

17. Blerti Delija

18. Bujar Kapexhiu

19. Durim Neziri

20. Drita Avdyli

21. Edmond Zhulali

22. Elton Kadisi

23. Enio Civici

24. Erjona Kakeli

25. Erion Prendi

26. Ermal Mulosmani

27. Fatjon Hoxhalli

28. Floriana Paskali

29. Gaspër Marku

30. Genc Tomço

31. Harilla Koçi

32. Henri Muça

33. Hilda Gorica

34. Hysni Gurra

35. Irena Myzeqari

36. Jonid Jorgji

37. Kastriot Çaushi

38. Kristo Thoma

39. Kristaq Pilo

40. Kleart Duraj

41. Klaudio Pulaha

42. Laureta Roshi

43. Lorenc Vangjeli

44. Malvin Kaçaj

45. Melsi Qirici

46. Merita Fanku

47. Olimpjon Shurdi

48. Olsi Abazi

49. Osman Mula

50. Pano Xhixho

51. Petrit Beci

52. Rafaela Marteta

53. Raimond Cimbi

54. Rajmonda Bulku

55. Rezear Xhaxhiu

56. Rita Gjeka Kacarosi

57. Rita Xheka Kacarosi

58. Robert Budina

59. Rozeta Feri

60. Saimir Bakalli

61. Silvja Gjepali

62. Sokol Gjoshi

63. Thanas Goga

64. Valbona Lasku

65. Xhelil Aliu

66. Ylljet Aliçka

67. Zamir Kokonozi

68. Zylyftar Bregu

Debati nisi për garën e drejtuesit të ri të RTSH, pas largimit të Alfred Pezës nga detyra. Për kreun e RTSH garuan: Harilla Koçi; Jetmir Shpuza; Enrik Mehmeti; Floriana Paskali; Eni Vasili; Ermal Hoxha; Aurora Polo; Kliton Rama; Flamur Buçрарај dhe Laureta Roshi. Por, 8 prej tyre u skualifikuan dhe në raundin e dytë kaluan vetëm dy: drejtuesja e komanduar Aurora Polo dhe Jetmir Shpuza.

Menjëherë pas kësaj, reaguan partitë politike PS dhe PD ku kërkuan zgjedhje të drejta. PO ashtu edhe ndëkrombëtarët bënë thirrje për transparencë në këtë garë. Pas kësaj ndërhyri Kuvendi i Shqipërisë ku vendosi shkarkimin e Këshillit Drejtues të RTSH-së./ZËRI