‘Enverin mos e kërkoni, pres një fëmijë me të’/ Zbulohet skenari i Esmerald Ballës pasi denoncoi zhdukjen e të atit

Edison Brahaj, Enver Balla dhe Esmerald Balla

DURRËS- Detaje të reja janë zbardhur nga dinamika se si Esmerald Balla denoncoi zhdukjen e babait të tij (Enver Ballës) pasi e kishte vrarë në Shënavlash. Ka qënë Esmeraldi, ai që si fillim ka denoncuar zhdukjen e të atit më 15 gusht dhe madje ka pretenduar se Enveri e ka telefonuar dhe e ka njoftuar se ka marrë paratë në kasafortë e do të jetojë i vetëm larg familjes. Për të mos u ndalur me kaq, me anë të një profil fals në Instagram, ai i ka dërguar edhe nje mesazh të vëllait ku i ka shkruar që të mos e kërkojnë më Enverin sepse ishte me pushime dhe priste një fëmijë. Gjetja e kasafortës pranë shtëpisë ka qënë ajo që ka hedhur poshtë të gjithë skenarin e Esmerald Ballës dhe që çoi në zbulimin e kësaj ngjarjeje të rëndë.
Më 15 gusht Esmerald Balla ka shkuar në polici për të denoncuar zhdukjen e të atit. Sipas tij, i ati ishte larguar nga ora 09:00 e 13 gushtit, me një grua të panjohur. Gjatë inskenimit ka treguar sikur ai (Enver Balla) e kishte marrë më 15 Gusht, me një numër telefoni të fshehur dhe ndër të tjera i ka thënë se “paratë që kanë qenë në kasafortë bashkë me kasafortën i ka marrë, pasi dëshironte të jetonte më vete tani e tutje”.
Pas bisedës, Esmeraldi gjoja ka verifikuar në banesë dhe kasaforta nuk ishte te dollapi ku ishte lënë. Më tej, ka dërguar mesazh te telefoni i të vëllait, Andi Balla, djali tjetër i viktimës, nga një profil i rremë në Instagram me emrin Entila, ku në të citohet ndër të tjera që “familjarët të mos e kërkonin Enverin, pasi ishte larguar me pushime dhe me Enverin priste një fëmijë”.
Kasaforta u gjet më pas në rrugë, në afërsi të portës së hyrjes së stallave të bagëtive. Kasaforta ishte e dëmtuar e prerë me mjet prerës në anën e pasme, dhe në të nuk kishte para./ ZËRI
Burimi