EMRI/ Qëlloi me kallashnikov në drejtim të 2 punonjësve të Policisë, ekstradohet nga Parisi 37-vjeçari

Pamje nga ekstradimi

TIRANË- Një 37-vjeçar nga Shkodra, i identifikuar si Shpëtim Kraja, është ekstraduar nga Franca në Shqipëri, pas një operacioni të koordinuar midis Interpol Tirana dhe homologëve të tyre francezë. Kraja ishte shpallur në kërkim ndërkombëtar nga Gjykata e Kurbinit, e cila i kishte caktuar masën e sigurisë “Arrest në burg” për disa vepra penale, përfshirë “Vrasjen e punonjësve të Policisë së Shtetit”, mbetur në tentativë, “Mbajtjen pa leje dhe prodhimin e armëve”, “Vjedhjen”, dhe “Mosbindjen ndaj urdhrit të punonjësit të Policisë”.
Ngjarja për të cilën Shpëtim Kraja akuzohet ka ndodhur më 14 janar 2022, në fshatin Arrameras, ku ai qëlloi me armë zjarri kallashnikov drejt dy punonjësve të Policisë së Komisariatit Nr. 6, Tiranë, pasi ata i dhanë urdhër ndalimi. Sipas Policisë, ai po lëvizte me dy persona të tjerë në një automjet të vjedhur tip “Benz” në zonën e Vorës.
Njoftimi i Policisë:
Interpol Tirana
Në vitin 2022, qëlloi me kallashnikov në drejtim të 2 punonjësve të Policisë, të cilët i dhanë urdhër ndalimi, pasi lëvizte me automjet të vjedhur, ekstradohet nga Parisi, 37-vjeçari. I ekstraduari, i akuzuar nga Gjykata e Kurbinit dhe për kryerjen e 5 vjedhjeve të tjera.
Si rezultat i bashkëpunimit të ngushtë të specialistëve të Interpol Tiranës, me homologët në Francë, është finalizuar procedura për ekstradimin në Shqipëri, të shtetasit të arrestuar në Francë, Sh. K., 37 vjeç, i lindur në Shkodër. Ai ishte shpallur në kërkim ndërkombëtar, pasi në vitin 2022, Gjykata e Kurbinit i ka caktuar masën e sigurisë “Arrest në burg”, për veprat penale “Vrasja e punonjësve të Policisë së Shtetit”, mbetur në tentativë, kryer në bashkëpunim, “Mbajtja pa leje dhe prodhimi i armëve, armëve shpërthyese dhe i municionit”, “Vjedhja”, kryer në bashkëpunim dhe më shumë se një herë, si dhe “Mosbindja ndaj urdhrit të punonjësit të Policisë së rendit publik”.
Nga hetimet dyshohet se shtetasi Sh. K., më datë 14.01.2022, në fshatin Arrameras, ka qëlluar me armë zjarri kallashnikov, në drejtim të 2 punonjësve të Komisariatit të Policisë Nr. 6, Tiranë, të cilët i dhanë urdhër ndalimi, pasi 37-vjeçari lëvizte së bashku me 2 shtetas të tjerë, me një automjet tip “Benz”, të vjedhur në Vorë. 37-vjeçari akuzohet gjithashtu si bashkëpunëtor për kryerjen e 5 vjedhjeve të tjera.
Burimi