Unaza e lashtë që mbante figurën e një prej Shtatë Mrekullive të Botës gjendet në Egjipt

Një unazë bronzi gati 2,000-vjeçare, e cila paraqet farin e famshëm të Aleksandrisë, është zbuluar nga arkeologët në fund të Detit Mesdhe, në Egjipt. Sipas autoriteteve egjiptiane, ky është rasti i parë i njohur i një unaze me vulë që paraqet monumentin antik, një prej Shtatë Mrekullive të Botës së Lashtë. Zbulimi u njoftua nga Ministria egjiptiane e Turizmit dhe Antikiteteve gjatë gërmimeve nënujore në zonën e Aleksandrisë së lashtë, pjesë të së cilës ndodhen sot nën ujërat e Mesdheut. Unaza u gjet në ishullin Antirhodos, që dikur ishte pjesë e lagjes mbretërore të qytetit, në zonën e portit të njohur si Portus Magnus. Sipas Hisham El-Lithit, sekretarit të përgjithshëm të Këshillit Suprem të Antikiteteve të Egjiptit, figura e gdhendur në unazë ngjason me paraqitjet...