Miratohet qeveria e re në Maqedoninë e Veriut, dominojnë nacionalistët me 76 vota pro

Ligjvënësit e Maqedonisë së Veriut miratoi mbrëmjen e të dielës një qeveri të re të kryeministrit Hristijan Mickoski, të mbizotëruar nga nacionalistët.

Kjo parti fitoi zgjedhjet e përgjithshme në maj duke u mbështetur në zemërimin e votuesve me ritmin e ngadaltë të integrimit në Bashkimin Evropian.
Qeveria u miratua me 76 vota pro dhe 22 kundër në parlamentin me 120 vende, ku koalicioni qeverisës përbëhet nga partia VMRO-DPMNE e Mickoskit, aleanca shqiptare VLEN/VREDI dhe ZNAM, një ndarje etnike maqedonase nga Social Demokratët (LSDM ).

Duke e shpallur seancën “historike”, Mickoski, në mandatin e tij të parë si kryeministër, u tha ligjvënësve se ishte koha që “të përveshin mëngët dhe të fillojmë të zgjidhim problemet në vend”.
Sipas Reuters, ai tha se qeverisë së tij prej 20 ministrish nuk do t’i duhen 100 ditë për të treguar rezultate në reforma, por do të fillojë menjëherë të punojë për tërheqjen e investimeve të reja, uljen e taksave dhe rritjen e pensioneve dhe pagave.
Deputetët e opozitës shprehën dyshime në aftësinë e qeverisë së re për të përmbushur premtimet nga programi i saj, duke e akuzuar Mickoskin se është manipulues dhe i fshehtë në lidhje me reformat e propozuara.
VMRO-DPMNE është në opozitë që nga viti 2017, kur qeveria e Nikola Gruevskit u rrëzua pas zgjedhjeve të vitit 2016 për shkak të korrupsionit të dyshuar dhe u zëvendësua nga qeveria e udhëhequr nga LSDM.
Gruevski, një nacionalist i krahut të djathtë që u largua nga vendi në vitin 2018 pasi u dënua me dy vjet burg për akuza të lidhura me korrupsionin, iu dha azil politik në Hungari.
Pas bojkotimit të VMRO-DPMNE-së gjatë viteve të fundit për shqetësimin se prirjet e saj nacionaliste mund të dëmtojnë marrëdhëniet me fqinjët e BE-së, Greqinë dhe Bullgarinë, dhe ofertën e vendit për në BE, votuesit u kthyen nga e majta në të djathtë të zhgënjyer me zhvillimin e ngadaltë dhe vonesat në integrimin në BE.

Top Channel
Burimi