![Dështon takimi me Vuçiç, Borrell: Kurti kushtëzoi vazhdimin e procesit të normalizimit Kosovë – Serbi](https://lajmidites.com/wp-content/uploads/thumbnails/2024/06/deshton-takimi-me-vucic-borrell-kurti-kushtezoi-vazhdimin-e-procesit-te-normalizimit-kosove-serbi_667c71c1da338.jpeg-730x440-lajmidites.com.webp)
Dështon takimi me Vuçiç, Borrell: Kurti kushtëzoi vazhdimin e procesit të normalizimit Kosovë – Serbi
Udhëheqësit e Kosovës dhe Serbisë, u takuan sot në Bruksel me kreun e politikës së Jashtme të Bashkimit Evropian, Josep Borrell dhe të dërguarin evropian Miroslav Lajçak, por jo me njëri-tjetrin.
Josep Borrell tha Kosova nuk ishte e gatshme për takim trepalësh dhe kryeministri Albin Kurti paraqiti tre kushte për angazhimin e mëtejshëm në procesin më të gjerë të normalizimit.
“Së pari, zyrtarizimin e marrëveshjes themelore përmes nënshkrimit nga udhëheqësit e shteteve dhe qeverive përkatëse. Së dyti, tërheqjen e letrës së paraqitur zyrtarisht në BE nga ish-kryeministrja (serbe Ana) Bërnabiç, e datës 13 dhjetor 2023. Dhe së treti, dorëzimin e Milan Radojçiçit dhe grupit të tij paraushtarak-terrorist tek autoriteteve gjyqësore të Kosovës”, tha Borrell.
Serbia, tha ai, “nuk ishte e gatshme të përmbushte plotësisht kushtet e Kosovës duke përmendur kufizimet kushtetuese, ndërsa presidenti Vuçiç tha se është i gatshëm të shqyrtojë opsionet në lidhje me letrën e ish kryeministres dhe zyrtarizimin e marrëveshjes në përputhje me praktikën e kaluar të Dialogut për të zhbllokuar zbatimin e saj”.
Top Channel
Burimi