Tërmet i fuqishëm me magnitudë 7.6 në Panama, lëkundjet regjistrohen në det të hapur

PANAMA- Një tërmet me magnitudë paraprake 7.6 është regjistruar në brigjet jugore të Panamasë me epiqendër në det të hapur. Lëkundjet e forta kanë ngritur shqetësime për pasojat e mundshme në zonat pranë bregdetit, ndërsa autoritetet pritet të saktësojnë të dhënat mbi përmasat e ngjarjes. Sipas mediave të huaja forca e tërmetit mund të pësojë ndryshime pas analizave të mëtejshme sizmologjike. Deri më tani, nuk ka të dhëna të konfirmuara për viktima, persona të plagosur apo dëme materiale. Ndërkohë, mbetet për t’u sqaruar nëse lëkundjet kanë shkaktuar paralajmërime për rrezik cunami përgjatë zonave bregdetare. Informacionet mbi pasojat e tërmetit pritet të plotësohen me të dhëna të reja nga autoritetet përkatëse./ZËRI