Tempulli i artit në Elbasan, Zhaneta Ruçaj nderon themeluesit e teatrit “Skampa” me ekspozitë dhe libër

Zhaneta Ruçaj është rritur pranë teatrit “Skampa” dhe gjithë jetën e saj ka kërkuar një mënyrë për t’i shërbyer tempullit të artit në Elbasan. “Ishte një nevojë shumë e domosdoshme. Zgjohesha çdo ditë me mendimin: çfarë mund të bëj? Çfarë mund t’i lë këtij teatri? Mos të presim vetëm çfarë bën shteti, por të mendojmë edhe çfarë bëjmë ne”, thotë ajo. Në vitin jubilar të 70-vjetorit të estradës së Elbasanit dhe 63-vjetorit të krijimit të teatrit “Skampa”, znj. Ruçaj, me krenari, ka krijuar një ekspozitë kushtuar figurave më të njohura të teatrit – atyre që hodhën themelet e teatrit amator...