Neymar Jr: “Katër lojtarë janë në garë për Topin e Artë”

Neymar ka emëruar një mori yjesh të Real Madridit kur u pyet për të preferuarit e tij për çmimin e Topit të Artë 2024.
Ish-lojtari i Barcelonas përmendi Vinicius Jr, Jude Bellingham dhe Rodrygo, ndërsa gjithashtu shtoi nënshkrimin e ri të Real-it, Kylian Mbappe, në listë.
Ai tha për Madrid Xtra:
“Treshja e Topit të Artë para përfundimit të EURO dhe Copa America? Vinicius Jr është i pari. Bellingham dhe Rodrygo barazim. Mbappé lufton me ata të dy”.
Duket shumë e mundshme që Topi i Artë këtë vit t’i jepet një prej yjeve të Real Madridit. Pasi e fitoi La Ligan me lehtësi dhe Champions League, skuadra ka shumë pretendentë për çmimin.
Vinicius Jr. pati një sezon të fortë për Los Blancos, duke forcuar statusin e tij si një nga sulmuesit më të mirë në botë. Ai bëri 39 paraqitje, duke shënuar 24 gola dhe duke dhënë 11 asiste në të gjitha kompeticionet.
Ai u plotësua në sulm nga bashkatdhetari dhe shoku i skuadrës Rodrygo, i cili ishte sulmuesi më i përdorur i Carlo Ancelotti këtë sezon. Ai e përfundoi sezonin me 17 gola dhe nëntë asiste në 51 ndeshje.
Jude Bellingham shkëlqeu gjithashtu me Real Madridin pasi përfundoi një transferim prej 103 milionë eurosh nga Borussia Dortmund verën e kaluar. 20-vjeçari fitoi çmimin Lojtari i Vitit në La Liga, duke shënuar 23 gola dhe 13 asiste në 42 ndeshje.
Kësaj treshe tashmë të rrezikshme do t’i bashkohet ish-ylli i Paris Saint-Germain (PSG), Kylian Mbappe. Ai ishte i rëndësishëm për Les Parisiens që fitoi Ligue 1 këtë vit, duke përfunduar me 44 gola dhe 10 asiste në 48 ndeshje në të gjitha kompeticionet.
Burimi