Mrekullia vetë, luks i shfrenuar… Rezidenca e re e Ronaldos dhe Georgina Rodríguez në Dubai kushton 25 milionë euro

Futbollisti portugez Cristiano Ronaldo dhe Georgina Rodríguez kanë hedhur një hap të rëndësishëm në jetën e tyre, duke blerë një rezidencë në Dubai, për shkak të punës së 39-vjeçarit në këtë zonë, pasi ai luan për një ekip në Arabinë Saudite.
Prona, e vlerësuar në 25 milionë euro, ndodhet në ishullin ekskluziv “Jumeirah Bay”, i njohur si “ishulli i të pasurve”, një vend ku banojnë vetëm milionerë. Çifti dhe pesë fëmijët e tyre planifikojnë të vendosen në këtë shtëpi luksoze në fund të dhjetorit, pasi të ketë përfunduar ndërtimi i saj.
Shtëpia e re e Ronaldos dhe Georgina po menaxhohet nga “Palace Luxury Living”, një nga grupet më prestigjioze dhe më të kërkuara të pasurive të paluajtshme në Emiratet e Bashkuara Arabe. Prona premton të ofrojë të gjitha llojet e luksit dhe komoditeteve. E vendosur në ishullin numër 16, në formën e një kali deti, ky kompleks lidhet me Dubain me një urë 300 metra, është vetëm 8 kilometra nga qendra e qytetit.
“Jumeirah Bay Island” ofron të gjitha llojet e objekteve ekskluzive, të tilla si një klub privat jahtesh, palestra, restorante gustator dhe klube plazhi. Ky ambient luksoz do ta lejojë çiftin dhe miqtë e tyre të shijojnë një mënyrë jetese të privilegjuar dhe private. Ndërkohë, Ronaldo dhe familja e tij qëndrojnë në Portugali, vendlindja e futbollistit, duke e mbështetur atë teksa aktualisht po luan në Europianin e Gjermanisë.
Familja planifikon të shpërngulet në fund të vitit në rezidencën e re saudite, pasi të përfundojë ndërtimi i saj. Kjo rezidencë e re përfaqëson një hap të rëndësishëm në jetën e tyre, duke i lejuar ata të vendosen në një vend që iu ofron të gjitha komoditetet dhe shërbimet e nevojshme për të jetuar normalisht dhe me luks.
Burimi