Analisti Blendi Kajsiu deklaroi në emisionin “Të Paekspozuarit” në MCN TV se braktisja që iu bë Berishës në 11 maj nuk shpjegohet me krimin dhe patronazhistët, por sepse fatkeqësisht opozita prodhon gënjeshtra edhe më të mëdha se pushteti.
Ndërsa analisti Baton Haxhiu tha se ndërsa jemi pajtuar që kemi një autokrat në pushtet, gjithashtu kemi një superautokrat në opozitë.
Biseda
Kajsiu: Rama mund të rrëzohet, ndryshe nga Orban apo Putin nuk ka rrënjë shumë të thella. Elementi themelor për të rrëzuar pushtetin është e vërteta. Kjo duhet të ishte edhe roli i intelektualëve, këtë e ka luajtur edhe Bushati edhe Lubonja.
Pushteti prodhon gënjeshtra. Fatkeqësisht opozita prodhon gënjeshtra edhe më të mëdha se pushteti. E pabesueshme. Të thuash se Berisha nuk i humbi zgjedhjet, por ia vodhën, është gënjeshtër që qytetarët e nuhasin kollaj. Braktisja që iu bë Berishës nuk shpjegohet me krimin dhe patronazhistët.
Të gjitha sondazhet tregojnë se popullariteti i Berishës është më i ulët se i Ramës. Kur përmenda Venezuelën, e përmenda sepse popullariteti i kryeopozitarit është më i madh se i Madurës.
Berisha dhe PD, është institucioni më larg të vërtetës dhe që prodhon më shumë gënjeshtra. Ai sot thotë Meta është hero, nesër thotë është kriminel. Kur e pyet ti, thotë kjo është deklaratë politike.
Ju kishit aty para pak kohësh zonjën Adriana Kalaja, kryetarja e gjykatës së statutit të PD dhe ajo tha Berisha nuk mund të dorëhiqet se ka marrë në 2022 mandatin dhe ikën në 2026. Abilekaj i tha statuti thotë që pas humbjes jepet dorëheqja. Zonja tha ky është interpretimi im.
Haxhiu: Ju dhe Bushati, nuk keni sqaruar deri në fund të polemikës krejt procesin demokratik. Procesi e ka konkurueshmërinë, por esenca e asaj që keni debatuar, i mungon diçka. Jemi pajtuar që kemi autokrat në pushtet, por gjithashtu kemi një superautokrat në opozitë. Si mund të ndryshohet dhe fitohet beteja me një autokrat në pushtet, kur kemi një superautokrat në opozitë? Këto gjëra quhen demokraci e kapur. Është pikërisht kjo që nuk keni sqaruar në debatin tuaj.
Kajsiu: Opozita, kur them fiton me të vërtetën, duhet të ofrojë një standard më të lartë. Ne kemi PS, të shndërruar në kazermë, por kemi degradim më të madh të PD, në shtojcë familjarë. Nuk ka zgjedhje në PS por as në PD. Nëse nuk ka demokraci brenda partive, nuk e ndërton dot jashtë.
Tag: prodhon
-
11 Maji / Kajsiu: PD humbi nga braktisja; Haxhiu: Berisha një superautokrat në opozitë!
-
Festivali Ndërkombëtar i Arkitekturës “Bread and Heart” në Tiranë, Rama: Shqipëria sot prodhon më shumë arkitekturë se e gjithë Europa bashkë
150 arkitektë ndërkombëtarë nga Europa, Azia, Amerika Veriore e Jugore, të cilët punojnë në Shqipëri, së bashku me partnerët janë mbledhur në Tiranë për Festivalin “Bread & Heart”.
I pranishëm ishte edhe kryeministri Edi Rama, i cili gjatë fjalës së tij në eventin historik, tha se se Shqipëria sot po prodhon më shumë arkitekturë se gjithë Europa bashkë. Sot në Shqipëri tha Rama, arkitektët ndërkombëtarë vijnë në numra që pak vite më parë ishte e paimagjinueshme.
“Një Shqipëri që sot prodhon më shumë arkitekturë se e gjithë Europa bashkë. Shqipëria është kthyer në një port shprese, arkitektët ndërkombëtarë vijnë në numra që vetëm pak vite më parë nuk do t’i kishim imagjinuar. Tirana sot nuk është më vetëm një skenë, është katalizator. Projektet që lindin në Shqipëri nuk janë mediokrite lokale apo klishe globale, janë të gjalla, rezonuese me vlerë.
Në një botë të fiksuar me ikona, ajo çfarë shpaloset këtu, diçka që krijohet si e përbashkët, por si asgjë tjetër më parë. Çfarë është më e rëndësishme guxon të ndërtojë mes asaj që është vërtetë e përbashkët, si një akt krijimi. Ky festival s’ka të bëjë me arkitekturën si profesion, por si aktin më të afërt njerëzor, të krijosh hapësira ku jeta mund të rritet dhe të mbrojë veten”-u shpreh Rama.Top Channel
-
PS del përtej parashikimeve, drejt mandatit të 12/ Fitorja erdhi nga Fieri, prodhon 18 mandate
Deri më tani sipas të dhënave të KQZ, janë numëruar 288 qendra votimi nga 588 në total. Qarku i Fierit i cili prodhon 18 mandate dhe që është një ndër qarqet më të mëdhenj në vend, duket se ka dalë jashtë parashikimeve, pasi PS po shkon drejt mandatit të 12-të.
PS ka marrë 47,108 vota ose 63.66 %. PD ose Aleanca për Shqipërinë Madhështore deri më tani ka marrë 18,347 vota ose 24.80 %.
1,724 vota ose 2.33 % kanë shkuar për Partinë Mundësia, kurse për nismën Shqipëria Bëhet 3,298 vota ose 4.46 %. Lëvizja Bashkë deri më tani në qarkun e Fierit ka marrë 702 vota ose 0.05 %. -
Vota e 11 majit/ Sondazhi në Real Story: PS fiton Elbasanin me 58.3 %. Asnjë prej partive të reja nuk prodhon mandate
ABC News dhe Angi Ricerche zbulojnë sot të dhënat e sondazhit të dytë për zgjedhjet e 11 majit. Në këtë sondazh janë kontaktuar, përmes formave të ndryshem rreth 8400 vetë, nga të cilët janë përgjigjur dhe janë përpunuar e 3 mijë personave.
Pyetjes ‘Kë votoni më shumë kandidatin apo partinë?’ , nga të dhënat 30.1 për qind votuan kandidatin, ndërsa partinë 45.8 për qind.Gjithashtu nga elektorati i Elbasanit dhe nga të anketuarit 58.3 për qind votojnë PS, 36.1 përqind votojnë AMSH, 4.1 për qind ‘Shqipëria Bëhet’ ndërsa Koalicioni Euroatlantik është me 1.8 për qind.
Kraharuar me shifrat e vitit 2021 dhe me të dhënat e sondazhit të publikuar në ABC News asnjë prej partive të reja nuk prodhon mandate dhe votat e tyre i shkojnë partive të mëdha. Sipas shifrave në këto zgjedhje PS rikuperon një mandat që i ikën koalicionit të Sali Berishës.
-
VIDEO/ Alessia Balliu nxjerr gafat e kandidatës së Berishës: Ja ç’ prodhon nepotizmi
Në PD nuk është vetëm Sali Berisha që flet rroma për toma, gjë që ja shkakton edhe mosha e thyer. Një kandidate e re në moshë si Klodiana Çapja, e cila u vendos në listat e mbyllura me urdhër nga lart, është zënë duke folur pa lidhje në një takim publik. Fituesja e primareve në Elbasan, e cila nuk u kandidua, Alessia Balliu, ka publikuar videon në faqen e saj dhe shkruan:
“Kur nuk ka garë, kur shkelet meritokracia, kur shkelen rregullat e lojës prodhohen figura qesharake që jo vetëm mezi flasin por nuk dinë të artikulohen politikisht.
Dëgjojeni dhe shikojeni ofertën që prodhon nepotizmi politik! Kur nuk di të prezantosh veten dhe jo më qytetarët! Vaj medet thuaj…”. -
‘Krim –diplomaci- politikë, pamundëson futjen në BE/ Xhaferri: Narko-shteti prodhon narko-terrorizëm! Atentatet, kambanë alarmi për shoqërinë
Kandidati demokrat i PD për Qarkun e Tiranës, njëkohësisht bashkëdrejtues politik në këtë qark, Besart Xhaferri i ka konsideruar, dy atentatet e fundit në Tiranë e Lezhë, si alarm për shoqërinë, që sipas tij duhet të ngrihen kundër një narko-shteti që po prodhon narko-terrorizëm.
Në një intervistë për edicionin e mesditës në Syri Tv, nën moderimin e Bled Markut, Xhaferri tha se këto ngjarje, tipike mafioze, ndodhin kryesisht gjatë fushatave elektorale, kur policia vihet në shërbim të makinerisë elektorale që përdoret nga Edi Rama.
Sipas Xhaferrit, fakti që autoritetet ligjzbatuese nuk reagojnë ndaj fenomeneve kriminale që po shtohen ndjeshëm në Shqipëri, tregon se sa të pamundur e ka vendi ynë aderimin në BE.
Një nga kriteret kryesore të grup-kapitujve për çeljen e negociatave është lufta ndaj krimit të organizuar, por që me një trinom krim –diplomaci- politike, është i pamundur anëtarësimi më 2030 në Bashkimin Evropian.
Ndodh sidomos gjatë fushatave elektorale kur policia vihet në shërbim të makinerisë elektorale që përdoret nga Rama në fushatat elektorale. Kmei një ministër të brendshëm që është drejtues politik më shumë se ministër, person që rri në terren për të blerë vota. Ministër që ka përdorur drejtorët e policisë, me objektiv elektoral.
Kur ke këtë vakum policor që të kesh infoormacion operativ, normalisht këto s’ekzistojnë më, sidomos në muajin elektoral është tragjedi në të dyja rastet, si në Tiranë ku është goditur targeti i gabuar dhe për fat të keq dy të mitur, një 19-vjeçar dhe shoferi. I mituri është transferuar në Romë, dhe të kujton Kolumbinë e viteve ‘80 e Palermon ‘70-‘80. Shqipëria po bëhet narko-shtet që prodhon narko-terrorizëm.
Dhe këto nëse më 11 maj Rama fiton e të jetë kryeministër, do bëhen de fakto në të gjithë kapilarin e shoqërisë shqiptare. Do kemi frikë të dërgojmëë fëmijët në shkolla, pasi narko-terroristët mund të vendosin një bombë, siç ndodhi me Pablo Escobar, do krijohen incidente nga më të rënda. Kambanë alarmi për shoqërinë, që s’mund të qëndrojmë në duart e atyre që manipulojnë votën sesa atyre që duhet të bëjnë detyrën e ta largojnë krimin nga Shqipëria.
Kjo është paradoks, këta s’mund të na çojnë në BE, se një nga kushtet është lufta ndaj krimit të organizuar. Krimi i organizuar të kontrollon gjithçka, partner në zgjedhje elektorale, që patjetër ti si forcë politike duhet të humbësh zgjedhjet, por edhe të pastrohesh nga llumi i mbledhur që më 2013.
Këtë e kam paralajmëruar që dispora s’do votojnë të lirë, por do u kërkohet edhe me prova që t’i çojnë te patronazhistët. Provat na e bëjnë punën më të thjeshtë, mullar me prova që do të dërgohen te ndërkombëtaret.
Deri më 2019-2014 është epoka e artë e korrupsionit diplomatik që Rama ngriti në Evropë. E këto po dalin me artikujt e mediave ndërkombëtare. Dhe sot dihet që Shqipëria sot është krim –diplomaci-politikë.