Lajmidites.com

Tag: moore

  • Pse Amerika nuk sjell ambasador në Shqipëri? Ish-zyrtari i DASH: Vëmendja është larg Ballkanit

    Pse Amerika nuk sjell ambasador në Shqipëri? Ish-zyrtari i DASH: Vëmendja është larg Ballkanit

    Ish-diplomati i lartë amerikan, Jonathan Moore ka komentuar mungesën e ambasadorëve të SHBA-së në Shqipëri, Kosovë dhe Serbi. Për të mungesa e një ambasadori të emëruar zyrtarisht është një luks që vendet e Ballkanit nuk mund ta përballojnë.
    “Sigurisht që është e rëndësishme që të keni një përfaqësues për të folur me presidentin, kryeministrin apo edhe me vetë popullin. Është një fatkeqësi që nuk ka një ambasador në vendet që përmendët’‘,-tha Moore.

    Nga ana tjetër, ai theksoi se diplomatët aktualë, të ngarkuarit me punë, po mbajnë kontakte të rregullta me nivelet më të larta qeveritare. Por sipas tij, situata globale ka zhvendosur fokusin e Uashingtonit larg Ballkanit.
    “Në vitin 1990, Ballkani kishte vëmendjen kryesore të Shteteve të Bashkuara, por sot ka shumë kriza të tjera që po ndodhin më larg Ballkanit dhe që kanë marrë pjesën më të madhe të vëmendjes”,-tha në ”A2cnn”.

  • Pse SHBA nuk sjell ambasador në Shqipëri? Ish-zyrtari i DASH: Është fatkeqësi, vëmendja larg Ballkanit

    Pse SHBA nuk sjell ambasador në Shqipëri? Ish-zyrtari i DASH: Është fatkeqësi, vëmendja larg Ballkanit

    Në një intervistë për gazetarin Xhevahir Qardaku në Ditarin e Kosovës në A2 CNN, Moore theksoi se mungesa e një ambasadori të emëruar zyrtarisht është një luks që vendet e Ballkanit nuk mund ta përballojnë.
    “Sigurisht që është e rëndësishme që të keni një përfaqësues për të folur me presidentin, kryeministrin apo edhe me vetë popullin. Është një fatkeqësi që nuk ka një ambasador në vendet që përmendët,” u shpreh Moore.
    Megjithatë, ai theksoi se diplomatët aktualë, të ngarkuarit me punë, po mbajnë kontakte të rregullta me nivelet më të larta qeveritare. Por sipas tij, situata globale ka zhvendosur fokusin e Uashingtonit larg Ballkanit.
    “Në vitin 1990, Ballkani kishte vëmendjen kryesore të Shteteve të Bashkuara, por sot ka shumë kriza të tjera që po ndodhin më larg Ballkanit dhe që kanë marrë pjesën më të madhe të vëmendjes,” tha Moore.
    Pavarësisht sfidave, Moore beson se interesat strategjike amerikane për stabilitetin në rajon mbeten të pandryshuara.

  • “Pengesa është Prishtina, por nuk do të ketë luftë”/ ‘Shpërthen’ ish-diplomati amerikan: Serbia nuk guxon ndaj…

    “Pengesa është Prishtina, por nuk do të ketë luftë”/ ‘Shpërthen’ ish-diplomati amerikan: Serbia nuk guxon ndaj…

    I ftuar në një intervistë televizive Moore theksoi se situata aktuale nuk e favorizon tensionin ushtarak. Ish-diplomati i lartë amerikan, Jonathan Moore, ka deklaruar se nuk sheh asnjë rrezik real për një sulm ushtarak nga Serbia ndaj Kosovës, duke theksuar se prania e NATO-s dhe KFOR-it është një faktor kyç që garanton sigurinë.
    “Unë nuk parashikoj asnjë lëvizje apo manovër ushtarake nga Serbia. Serbia është shumë e ndërgjegjshme për rolin e NATO-s dhe KFOR-it në Kosovë,” u shpreh ai.
    Sipas tij, problemi real për bllokimin e procesit të dialogut qëndron në Prishtinë:
    “Pengesa e vetme për progresin në këtë pikë është në Kosovë. Serbia i ka përmbushur shumë prej pritshmërive për dialogun, ndoshta jo të gjitha. Mungesa e Asociacionit të Komunave Serbe, për të cilin Kosova ra dakord që në vitin 2013, mbetet një çështje e hapur,” tha Moore.
    Ai shtoi se mungesa e stabilitetit politik në Prishtinë e pengon përparimin: “Kosova nuk ka parlament të ri, nuk ka kryetar kuvendi dhe opozita nuk po bashkohet. Me shumë gjasa do të ketë zgjedhje në tetor, por deri atëherë nuk shoh projekt serioz për dialogun.”
    Moore theksoi se pavarësisht krizës politike, nuk ka vend për panik: “KFOR-i është aty dhe nuk do të ketë luftë.”

  • Moore: Prishtina të fokusohet në njohjet nga NATO dhe BE, jo në Afrikë e Azi

    Moore: Prishtina të fokusohet në njohjet nga NATO dhe BE, jo në Afrikë e Azi

    Ish-diplomati i lartë amerikan dhe njohësi i Ballkanit, Jonathan Moore, ka këshilluar Prishtinën që të përqendrohet në sigurimin e njohjeve të pavarësisë nga vendet anëtare të NATO-s dhe Bashkimit Europian, në vend që të kërkojë njohje individuale në Afrikë apo Azi.Në një intervistë për Ditarin e Kosovës në A2 CNN, Moore tha se mungesa e një qeverie të qëndrueshme në Kosovë po pengon dialogun Kosovë-Serbi dhe përparimin në procesin e njohjes ndërkombëtare.“Nëse do të kishte një qeveri të fortë dhe pragmatike në Prishtinë, ajo duhet të punojë me vendet europiane që nuk e kanë njohur Kosovën ende, në vend të vendosjes së fokusit në Afrikë apo Azinë,” u shpreh Moore.Sipas tij, prioriteti kryesor duhet të jetë arritja e një marrëveshjeje me Beogradin për të avancuar dialogun dhe integrimin europian. Moore shtoi se aktualisht nuk ka kushte për negociata serioze për shkak të mungesës së konsensusit politik pas zgjedhjeve të shkurtit.Megjithatë, ai vuri në dukje se edhe pa njohjen e menjëhershme nga Serbia, Kosova mund të bëjë përparime nëpërmjet liberalizimit të tregtisë, lehtësimit të kalimit në kufij dhe bashkëpunimit praktik.“Kosova duhet ta marrë këtë iniciativë vetë, pa vendosur kushte të pakapërcyeshme,” përfundoi ish-zyrtari amerikan.Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.Ish-diplomati i lartë amerikan dhe njohësi i Ballkanit, Jonathan Moore, ka këshilluar Prishtinën që të përqendrohet në sigurimin e njohjeve të pavarësisë nga vendet anëtare të NATO-s dhe Bashkimit Europian, në vend që të kërkojë njohje individuale në Afrikë apo Azi.Në një intervistë për Ditarin e Kosovës në A2 CNN, Moore tha se mungesa e një qeverie të qëndrueshme në Kosovë po pengon dialogun Kosovë-Serbi dhe përparimin në procesin e njohjes ndërkombëtare.“Nëse do të kishte një qeveri të fortë dhe pragmatike në Prishtinë, ajo duhet të punojë me vendet europiane që nuk e kanë njohur Kosovën ende, në vend të vendosjes së fokusit në Afrikë apo Azinë,” u shpreh Moore.Sipas tij, prioriteti kryesor duhet të jetë arritja e një marrëveshjeje me Beogradin për të avancuar dialogun dhe integrimin europian. Moore shtoi se aktualisht nuk ka kushte për negociata serioze për shkak të mungesës së konsensusit politik pas zgjedhjeve të shkurtit.Megjithatë, ai vuri në dukje se edhe pa njohjen e menjëhershme nga Serbia, Kosova mund të bëjë përparime nëpërmjet liberalizimit të tregtisë, lehtësimit të kalimit në kufij dhe bashkëpunimit praktik.“Kosova duhet ta marrë këtë iniciativë vetë, pa vendosur kushte të pakapërcyeshme,” përfundoi ish-zyrtari amerikan.

  • DASH do t’i heqë ‘non gratën’ Berishës? Ish-zyrtari i lartë i SHBA: U ndëshkua pa prova, ja si hiqet masa

    DASH do t’i heqë ‘non gratën’ Berishës? Ish-zyrtari i lartë i SHBA: U ndëshkua pa prova, ja si hiqet masa

    Ish-ambasadori dhe diplomati i karrierës në Departamentin e Shtetit, Jonathan Moore, njohës shumë i mirë i zhvillimeve në Ballkan, është shprehur se sanksionet ndaj ish-kryeministrit, Sali Berisha, janë vendosur pa prova konkrete, por në bazë thashethemesh, të përcjella nga ambasada e SHBA në Tiranë për në Uashington.

    “Ky legjislacion që krijoi këtë tip sanksioni u themelua gjatë administratës së parë Trump në vitin 2018 dhe ishte një përpjekje për të gjetur një mënyrë më efeciente për të vënë sanksione mbi njerëz të akuzuar për korrupsion”, ka thënë Moore në një intervistë për A2 CNN.

    Ai vlerëson se programi për shpalljen “non grata” të politikanëve ka shumë të meta dhe duhet të rishikohet.

    “Fatkeqësisht, në opinionin tim personal, ka pasur disa probleme kyçe me këtë legjislacion. E para është pikërisht barra e provës. Këto sanksione kërkojnë fakte, detaje, argumente ligjorë dhe transaksione financiare që bllokohen si nga SHBA, por edhe nëpërmjet SHBA-ve. Këto sanksione, përmes Departamentit të Shtetit, prezantuar në vitin 2018, duket se mbështeten kryesisht nga akuzat për korrupsion. Pra, personi i parë i ka thënë personit dy, që i tha ambasadës që dikush është i korruptuar. Pastaj, ka pasur edhe një nxitim për t’i vënë disa njerëz nën sanksione. Zoti Berisha nuk është i vetmi në Shqipëri dhe subjekt i këtyre sanksioneve”, tha Moore.

    “Mendoj se është një pyetje serioze që duhet ngritur sa i përket vlefshmërisë së sanksioneve dhe përmbajtjes së “dëshmive”. Meqënëse kjo ka ndodh në vitin 2018 dhe tani jemi 7 vite pas dhe ka shumë njerëz në botë që janë në atë listë që nuk janë marrë nën hetim asnjëherë. Dhe ngrihet pyetje serioze për sa i përket vlefshmërisë së sanksioneve. Sigurisht që ato mund të sfidohen dhe një problem i dytë me këtë legjislacion është që nuk ka një proces kundërshtimi apo për të parë nëse dikush ka dhënë kontribut pozitiv në interes të SHBA-ve”, vijoi ai më tej.

    Ambasadori Moore shprehet se tashmë parlamenti i ri shqiptar ka fuqinë që të ndërhyjë në Uashington lidhur me heqjen e “non gratës” për Berishën.

  • Shpallet “Gruaja më e bukur në botë” për vitin 2025

    Shpallet “Gruaja më e bukur në botë” për vitin 2025

    Aktorja e famshme hollywoodiane, Demi Moore, është nderuar me titullin prestigjioz “Gruaja më e bukur në botë” për vitin 2025 nga revista amerikane PEOPLE. Në moshën 62-vjeçare, Moore rrëfen në këtë numër special për rrugëtimin e saj jetësor, duke folur për bukurinë që buron nga përvoja, pjekuria dhe vetëpranimi.
    Në një intervistë ekskluzive për revistën, ylli i filmit “Ghost” flet me sinqeritet për sfidat që ka kaluar ndër vite — nga një fëmijëri e vështirë dhe marrëdhënie të ndërlikuara personale, deri te rrugëtimi si nënë e tre vajzave, Rumer, Scout dhe Tallulah, që i ka me ish-bashkëshortin Bruce Willis.

    Moore, e cila së fundmi ka shënuar një rikthim të fuqishëm në kinematografi me filmin horror “The Substance”, ka fituar vlerësime të mëdha për rolin e saj, përfshirë çmimet Golden Globe dhe Screen Actors Guild. Ky sukses, sipas saj, është dëshmi e fuqisë transformuese të vetëbesimit dhe përkushtimit.
    Familjarët dhe miqtë e saj nuk kanë ngurruar të shprehin krenarinë dhe dashurinë për këtë arritje. Vajzat e saj kanë publikuar urime të ngrohta në rrjetet sociale, ndërsa Emma Heming Willis, bashkëshortja aktuale e Bruce Willis dhe njëkohësisht mike e afërt e Moore, ka theksuar bukurinë dhe forcën e saj të brendshme.
    Ky vlerësim nga revista PEOPLE konsiderohet si një triumf për gratë që sfidojnë stereotipet e moshës dhe bukurisë, duke i hapur rrugë një narrative më përfshirëse dhe të vërtetë për feminitetin në të gjitha etapat e jetës.

  • Përmbytjet në Oklahoma, një grua dhe një djalë humbën jetën

    Përmbytjet në Oklahoma, një grua dhe një djalë humbën jetën

    Të paktën dy persona, një grua dhe një djalë, kanë humbur jetën nga përmbytjet që përfshiu Oklahomën, njoftoi sot policia në qytetin Moore në atë shtet amerikan.

    Policia në Moore, e vendosur rreth 15 kilometra në jug të Oklahoma City, e përshkroi përmbytjen në një deklaratë si një “ngjarje historike të motit” që shkaktoi “dhjetëra incidente”, raportoi Reuters.

    “Një nga (automjetet) doli nga rruga dhe u tërhoq zvarrë (nga përmbytja) nën urë. Në momentin e ngjarjes, të gjithë përveç dy pasagjerëve (në makinë) u shpëtuan. Me pikëllim të madh raportojmë se dy persona, një grua e rritur dhe një djalë 12 vjeç, u gjetën të vdekur më vonë”, thuhet në njoftimin e policisë.

    Policia në Moore u bëri thirrje njerëzve të qëndrojnë në shtëpi dhe tha se deri më tani u janë përgjigjur dhjetëra thirrjeve nga banorët, automjetet e të cilëve ishin bllokuar në ujin në rritje.

    Paralajmërimet për përmbytjet, të cilat sugjerojnë se moti i rëndë ka ndodhur ose është i afërt, u lëshuan sot në të gjithë Oklahoma.

    Shërbimi Kombëtar i Motit tha se stuhi të forta priten nga Teksasi lindor deri në Iowa dhe Illinois shumë juglindore, ndërsa kërcënimi i tornadove dhe erërave të forta ekzistonte nga Arkansas qendror në Misurin qendror.