Lajmidites.com

Tag: kritika

  • Rama kritika sektorit privat dhe bankave: Janë të prapambetura! S’ka më pagesa me cash

    Rama kritika sektorit privat dhe bankave: Janë të prapambetura! S’ka më pagesa me cash

    Edi Rama

    BERAT-Kryeministri Edi Rama në takimin me përfaqësuesit e teknologjisë që u zhvillua në Berat, u shpreh se deri në fund të kësaj dekade, synohet që të gjitha pagesat dhe transaksionet të bëhen në mënyrë digjitale.
    Edi Rama: Ajo që mbeti pa u thënë është që ne kemi dhe një ambicie tjetër që deri në fund të dekadës Shqipëria të jetë cashless, pra transaksionet financiare të jenë digjitale, na duhet sforco e madhe, na duhet goxha sensibilizim, teknologjia nuk mungon. Është plotësisht e realizueshme dhe do çlirojë vendin nga një barrë pluhuri dhe ferrash në jetën e përditshme, dhe e fundit që kam është që në atë dokumentin që do përgatisni të jenë sa më të lirë dhe kreativ, pa vendosur limit. Deri në fund gushtit të mund të firmosin marrëveshjen kuadër me qeverinë për bashkëpunimin mes nesh.
    Gajtë takimit me përfaqësues të teknologjisë, Rama sa i përket digjitalizimit pati kritika për bankat dhe sektorin privat, duke shtuar se kjo po pengon rrugën e këtij sektori. 
    “Sot ka pasur shumë brumë në tryezë edhe që nëse do të arrijmë të vendosim piketat që kemi diskutuar dhe pastaj të ndjekim një hartë veprimesh, do arrijmë të bëjmë më të mirën. Ka qenë kënaqësi edhe për të njohur nga afër disa inovatorë, edhe më prezantuan edhe një dokument të vjetër që ishte shumë tërheqës për qendrën e mendimit novator. Bankat që janë në kushtet e një prapambetje që po kërcënon progresin e sektorit dhe për më tepër e pajustifikuar po të kemi parasysh që gjithë legjislacioni i nevojshëm është i miratuar, gjithë instrumentet janë në dispozicion dhe këmbëngulja e bankave për të mos lëvizur me të njëjtin ritëm jo vetëm dëmton sektorin, por në tërësi interesat e shoqërisë duke penguar lehtësimin e mëtejshëm të të gjitha ndërveprimeve që lidhen me transaksionet financiare”, deklaroi Rama.
    Më tej u shpreh se mund të ndërtohet në Shqipëri muezu i parë tërësisht me Inteligjencë Artificiale.
    “Në Tiranë në shtator do t’i japim arkitekturës bashkëkohore dhe botës një inovacion që vjen nga një start up shqiptarësh që nëse ashtu sic duket dhe nga interesimi i arkitektëve do të ndryshojë sumë mënyrën sesi funksionojnë studio e arkitekturës. Me shumë gëzim dhe përgjegjësi do të angazhohem personalisht me strukturat për të parë nëse mund të ndërtojmë në Shqipëri me këtë teknologji të re të propozuar muzeun e parë tërësisht me inteligjencë Artificiale. Është e udhës që nga tryezat të bëhen referime të përmbledhura të temave që u diskutuan”, tha Rama.

  • Meme, teori konspiracioni dhe kritika / Fjalimi i Khameneit shuan spekulimet për mungesën në publik

    Meme, teori konspiracioni dhe kritika / Fjalimi i Khameneit shuan spekulimet për mungesën në publik

    Fjalimi i Khameneit i dha fund një heshtjeje publike njëjavore që kishte nxitur spekulime rreth shëndetit dhe autoritetit të tij, veçanërisht pas një heshtjeje dy-ditore pas armëpushimit Iran-Izrael të shpallur nga SHBA-ja.
    Mungesa dhe heshtja e tij gjatë ngjarjeve të tjera kritike të kohëve të fundit, duke përfshirë sulmet amerikane ndaj objekteve bërthamore të Iranit dhe sulmet hakmarrëse të Iranit ndaj bazës amerikane në Katar, kishin ngritur pikëpyetje mbi rolin dhe kontrollin e tij në vendimmarrjen kombëtare.
    Raportet sugjeronin se kërcënimet ndaj sigurisë e kishin çuar Khamenein të “strehohej në një bunker”, duke kufizuar komunikimet e tij. Mehdi Fazaeli, një anëtar i lartë i zyrës së tij, pranoi gjatë një interviste televizive të martën se Khamenei ishte në një vend të sigurt, megjithëse nuk u zbuluan detaje të mëtejshme.
    Deri pak para fjalimit të tij televiziv sot, mediat sociale ishin plot meme, teori konspiracioni dhe kritika, me disa që pretendonin një heshtje strategjike për të shmangur mbështetjen e veprimeve të diskutueshme.
    Pavarësisht rishfaqjes së tij, sjellja e tij e dobësuar dhe formati i pazakontë i fjalimeve të fundit vazhdojnë të nxisin spekulime.

  • Katër debate që çiftet e palumtura i kanë gjatë gjithë kohës

    Katër debate që çiftet e palumtura i kanë gjatë gjithë kohës

    Marrëdhëniet janë komplekse dhe kërkojnë kujdes, mirëkuptim dhe komunikim të vazhdueshëm për të mbijetuar. Edhe marrëdhëniet më të forta herë pas here hasin mosmarrëveshje dhe keqkuptime.

    Megjithatë, disa modele konflikti shpesh përsëriten tek çiftet që janë të pakënaqur dhe emocionalisht të distancuar për një kohë të gjatë.
    Hulumtimet nga Instituti Gottman, i cili studion marrëdhëniet dhe parashikuesit e divorcit, tregojnë se kritikat, komunikimi i dobët dhe një çekuilibër midis jetës personale dhe profesionale kontribuojnë ndjeshëm në pakënaqësinë në marrëdhënie.

    Lajmi i mirë është se asnjë marrëdhënie nuk duhet të jetë perfekte për të qenë e lumtur – por është e rëndësishme të njihen modelet shkatërruese dhe të punohet për t’i zgjidhur ato. Pra, këto janë shkaqet e konflikteve më të zakonshme tek çiftet e pakënaqura.
    Mungesa e komunikimit
    Komunikimi i dobët ose inekzistent është një nga treguesit më të fortë të një marrëdhënieje të pashëndetshme. Kur partnerët ndalojnë së shprehuri nevojat, ndjenjat dhe mendimet e tyre, krijohet distanca emocionale dhe keqkuptimi. Shpesh supozohet se partneri ynë do ta “dijë” se si ndihemi, por askush nuk është mendor – komunikimi i drejtpërdrejtë, i qetë dhe i ndershëm është çelësi.
    Ekspertët theksojnë se shmangia e bisedës mund të çojë në frustrime të akumuluara që përfundimisht përshkallëzohen. Në vend të një toni agresiv ose akuzave, është e rëndësishme të uleni dhe të ndani hapur ndjenjat pa zhvendosur fajin. Kjo krijon hapësirë ​​për mirëkuptim dhe zgjidhje të përbashkët të problemeve, shkruan YourTango.
    Kritika të vazhdueshme
    Çiftet në të cilat njëri partner e kritikon shpesh tjetrin, shpesh bien në një model distancimi të ndërsjellë. Perfeksionistët janë veçanërisht të vështirë të tolerojnë papërsosmëritë e partnerit të tyre dhe kanë tendencë të nxjerrin në pah çdo gjë që nuk i plotëson standardet e tyre. Ndërsa kritika konstruktive mund të jetë e dobishme, ankesat e vazhdueshme dëmtojnë marrëdhënien dhe zvogëlojnë ndjenjat e sigurisë.
    Sipas një studimi nga Instituti Gottman , kritika është një nga parashikuesit më të fortë të prishjes së një marrëdhënieje. Zgjidhja, thonë ekspertët, qëndron në ndryshimin e perspektivës suaj – në vend që të përqendroheni te të metat e partnerit tuaj, përpiquni të vini re dhe të lavdëroni gjithçka që bën mirë. Përforcimi pozitiv forcon lidhjen, ndërsa kritika e vazhdueshme vetëm sa e thellon hendekun.
    Konflikte për punët e shtëpisë
    Ndarja e punëve të shtëpisë është një nga burimet më të zakonshme të debateve të përditshme, veçanërisht kur të dy partnerët kanë punë të vështira. Një ndarje e padrejtë krijon një ndjenjë mosrespektimi dhe pabarazie, të cilat mund të çojnë në pakënaqësi kronike.
    Kur njëri partner ndien sikur gjithçka është “në dorë të tij”, ndjenja e ekuilibrit dhe e bashkëjetesës prishet. Zgjidhja mund të jetë e thjeshtë – duke përdorur një orar angazhimesh, në të cilin detyrat ndahen në mënyrë të barabartë. Kjo krijon një ndjenjë drejtësie dhe largon hapësirën për zemërim pasiv.
    Çekuilibri midis punës dhe jetës private
    Ambicia në punë nuk është e keqe në vetvete, por kur puna fillon të zërë të gjithë hapësirën dhe kohën tuaj të përbashkët, marrëdhënia juaj mund të vuajë seriozisht. Njerëzit që sillen sikur “martesa është karriera e tyre” shpesh e neglizhojnë në mënyrë të pavetëdijshme partnerin dhe nevojat e tyre emocionale.
    Sipas hulumtimeve mbi stresin në punë dhe marrëdhëniet familjare, një ngarkesë më e lartë pune shoqërohet me cilësi më të dobët të marrëdhënies, pikërisht sepse stresi transferohet nga puna në jetën personale. Ekspertët theksojnë se një ekuilibër midis punës dhe kohës personale zvogëlon pasojat negative dhe mbron shëndetin mendor të partnerëve. Çelësi është të bëhen kompromise të vetëdijshme dhe të flitet rregullisht për ndjenjat që lidhen me neglizhencën.

  • “Shpërdorim personaliteti, s’duhet të përsëritet”/ Petro Koçi me kritika për Zegjinenë e Fierit: E ka ekzagjeruar

    “Shpërdorim personaliteti, s’duhet të përsëritet”/ Petro Koçi me kritika për Zegjinenë e Fierit: E ka ekzagjeruar

  • “Kufiri mbetet te kritika, jo te presioni”/ Rritja e pagave të gjyqtarëve, reagon Kryetarja e Gjykatës Kushtetuese

    “Kufiri mbetet te kritika, jo te presioni”/ Rritja e pagave të gjyqtarëve, reagon Kryetarja e Gjykatës Kushtetuese

    Në një prononcim sot (13 qershor) për gazetarët, ajo tha se i qëndron deklaratës së dhënë një ditë me parë për mediat sa i takon deklaratave të politikës për rritjen e pagave të gjyqtarëve. Holta Zaçe thotë se nuk ndjehen nën presion, se janë mësuar me deklarata të tilla që vijnë nga të gjitha palët dhe se media i jep më shumë vëmendje se ç’duhet disa temave apo zërave për vendimet e tyre.
    “I qëndrojmë asaj që nxorëm në njoftimin për shtyp. Ne vlerësojmë se çdo vendim i joni mund të jetë objekt kritikash. Dhe unë e kam theksuar faktin se e drejta e lirisë së shprehjes nënkupton pikërisht këtë. Por kufiri mbetet deri tek kritika, jo te presioni”, tha kryetarja e GJK.
    Ndërsa për mosbatueshmërinë e disa vendimeve të Kushtetueses nga qeveria, ajo nënvizoi se vendimet e tyre janë të pavarura dhe të paanshme, që duhen zbatuar, por për çdo gjë politika merr koston e saj.
    “Nuk besoj se jemi tek ky elementi i mosbzatimit. Ne kur kemi pasur mundësi i kemi thënë, sigurisht jam shprehur që zbatimi i vendimeve të Kushtetueses tregon stadin e demokracisë. Sigurisht kemi ende punë për të bërë, por në autoritetin e vet, vendimet tona janë të zbatueshme. Ka vendime të caktuara që politika merr koston e vetë nëse nuk i zbaton, kur flasim për pushtete të tjera.
    E rëndësishme është që Gjykata funksionon, dolëm me një njoftim sepse detyra jonë është të garantojmë publikun se Gjykata funksionon e pavarur, e paanshme, sigurisht që mendimet që vijnë nga të gjitha anët, përfshirë edhe të mediave, ne i çmojmë, por në thelb është e rëndësishme që publiku të jetë i informuar, të marrë informacionin e duhur e nga ana jonë të sigurojmë publikun që jemi të pavarur dhe të paanshëm, të bëjmë punën tonë, pavarësisht se kush janë interesat dhe palët e përfshira në proces”, shtoi Zaçaj.

  • Trump i zhgënjyer nga Musk: Kemi pasur një marrëdhënie të shkëlqyer! Nuk e di nëse do e kemi më

    Trump i zhgënjyer nga Musk: Kemi pasur një marrëdhënie të shkëlqyer! Nuk e di nëse do e kemi më

    Presidenti i SHBA-së, Donald Trump, ka shprehur zhgënjimin ndaj kritikave të Elon Musk, për projektligjin e tij kryesor të buxhetit.

    “Unë dhe Elon kishim një marrëdhënie të shkëlqyer. Nuk e di nëse do të kemi më,” u tha Trump gazetarëve në Shtëpinë e Bardhë të enjten.
    Ishte kritika më e drejtpërdrejtë e presidentit deri më tani ndaj përpjekjeve lobuese të Musk kundër propozimeve për të ulur taksat dhe për të shkurtuar shpenzimet qeveritare – një plan që ka tërhequr kritika nga Musk dhe disa republikanë.
    Në përgjigje, Musk e dyfishoi qëndrimin e tij ndaj projektligjit në platformën X, duke thënë se ishte plot me “shpenzime të kota”, shpenzime të kota qeveritare dhe duke shkruar “Ose do të merrni një projektligj të shëmtuar, ose një projektligj të bukur”.

    Top Channel

  • “Nuk kishe pse shkoje në Moskë”/ Kallas kritika presidentit serb Vuçiç: Nuk ka rrugë të shkurtër për ju

    “Nuk kishe pse shkoje në Moskë”/ Kallas kritika presidentit serb Vuçiç: Nuk ka rrugë të shkurtër për ju

    Përfaqësuesja e Lartë e Bashkimit Evropian për Punët e Jashtme, Kaja Kallas, ka bërë kritika të ashpra ndaj Presidentit të Serbisë, Aleksandar Vuçiç gjatë vizitës së saj në Beograd.
    Kallas në një prononcim për mediat në Serbi vuri në dukje se Aleksandar Vuçiç nuk duhej të kishte udhëtuar në Moskë.
    Kallas pranoi se këtë fakt e kishte diskutuar me Vuçiç gjatë Samitit të Komitetit Politik Europian në Tiranë. “Pata mundësinë të diskutoja udhëtimin e Vuçiç në Moskë kur ishim në Tiranë. I shpreha pikëpamjen time, e cila është shumë e qartë.Nuk e kuptoj pse është e nevojshme të qëndrojë krah për krah me personin që po zhvillon këtë luftë të tmerrshme në Ukrainë. Por Presidenti Vuçiç më paraqiti anën e tij të historisë”, u tha Kallas gazetarëve në Beograd.
    Më tej në rrjetin social X, Kallas theksoi se: “Mesazhi im për autoritetet në Beograd është i qartë. Unë dua ta shoh Serbinë duke avancuar drejt BE-së. Për këtë, liderët politikë duhet të bëjnë reformat e nevojshme dhe të qartësojnë drejtimin strategjik”, ka shkruar Kallas në X.
    Në përfundim Kallas tha se, “çështja e harmonizimit të vendit lidhet edhe me mesazhin që po dërgoni. A doni të jeni me ne, sepse nëse doni të jeni në BE, ne punojmë së bashku dhe duam ta shohim këtë edhe nga vendet kandidate, nuk ka rrugë të shkurtra për ju”, përfundoi shefja e Politikë së Jashtme të BE.

  • Meghan Markle lançon podkastin e ri, por [se po merr kritika

    Meghan Markle lançon podkastin e ri, por [se po merr kritika

    Meghan Markle ka lançuar podkastin e saj më të ri, “Confessions of a Female Founder”, ku interviston gra të suksesshme në botën e biznesit. Në episodin e parë, ajo diskuton përvojat e saj me preeklampsinë pas lindjes, një gjendje e rrezikshme shëndetësore.
    Megjithatë, podkasti ka marrë kritika për tonin e saj, duke u cilësuar si tepër i mbushur me lavdërime dhe pa thellësi substanciale. Një recenzent e përshkruan si “të padurueshëm” dhe sugjeron se është më shumë një mundësi për promovimin e markës së saj “As Ever”, sesa një burim i vlefshëm për dëgjuesit.
    Në të kaluarën, Meghan ka pasur sukses me podcastin “Archetypes”, i cili arriti majat e klasifikimeve në SHBA dhe MB. Megjithatë, pas disa episodeve, ai ra në renditje, duke ngritur pyetje mbi angazhimin e audiencës.

    Pavarësisht kritikave, podkasti i ri i Meghanit tregon përpjekjet e saj për të zgjeruar ndikimin në industrinë e medias dhe biznesit, duke ofruar një platformë për diskutimin e sfidave dhe arritjeve të grave në botën e korporatave.