Tabaku: Paketa Fiskale 2027 rrezikon bizneset e vogla dhe rrit çmimet

Deputetja e PD kundërshton përfshirjen e bizneseve të vogla dhe profesionistëve të lirë në TVSH, duke paralajmëruar pasoja për të ardhurat e familjeve dhe koston e shërbimeve. Deputetja e Partisë Demokratike, Jorida Tabaku, paralajmëroi se përfshirja e bizneseve të vogla në skemën e TVSH-së, sipas masave që ajo kundërshton në Paketën Fiskale 2027, do t’i vendosë ato përballë rritjes së çmimeve ose rrezikut të mbylljes. Në një video në rrjetet sociale, ajo akuzoi qeverinë se po shton barrën mbi njerëzit e punës dhe shtresën e mesme.