SYRI TV/ Rama mbyll mitingun në Fier me asnjë program, vetëm propagandë

Në mitingun përmbyllës në Fier, Edi Rama vijoi fushatën duke u përpjekur t’u shesë qytetarëve ëndrrën evropiane si monopol personal. Në një shesh të mbushur me flamuj kuqezi dhe retorikë të njohur, kryeministri e paraqiti veten si udhërrëfyesin e vetëm drejt Bashkimit Europian – sikur procesi i integrimit të varej nga fjalimet elektorale dhe jo nga standardet që vetë qeveria e tij i shpërfill. I shmangur nga çdo përgjegjësi konkrete, Rama u përpoq të fitojë duartrokitje duke sulmuar opozitën, një taktikë që më shumë nxori në pah mungesën e ofertës së tij sesa ndonjë vizion real për Fierin apo Shqipërinë.