SHBA, Iranit: Hiqni dorë nga sulmet. Teherani: SHBA dhe aleatët do përballen me pasojat nëse na godasin

Administrata amerikane e ka paralajmëruar Teheranin ditët të fundit se nuk do të mund të ndalë Izraelin, nëse Irani kryen tjetër sulm kundër aleatit të Shteteve të Bashkuara.

“U kemi thënë iranianëve, nuk do të mund të ndalim Izraelin, dhe nuk mund të garantojmë që sulmi i radhës do të jetë i kalibruar sikurse i mëparshmi”, ka bërë me dije  një zyrtar në kushte anonimiteti. Ndërkohë lideri suprem  i Iranit Ali Khamenei  ka paralajmëruar  se do te hakmerret ndaj  Izraelit dhe aleateve te tij.

“Armiqtë, si Shtetet e Bashkuara, ashtu edhe regjimi zionist, e dinë se do të përballen me përgjigje të ashpër për atë që janë duke bërë kundër Iranit, kombit iranian, dhe frontit të rezistencës”.

Shtetet e Bashkuara kanë bërë të ditur se do të pozicionojnë asete ushtarake shtesë në Lindje të Mesme, përfshirë shkatërrues të raketave balistike dhe aeroplanë luftarakë me rreze të gjatë. Ky njoftim është parë si paralajmërim për Iranin.Tensionet rajonale janë përshkallëzuar prej nisjes se luftës Gaza, në tetor të vitit të kaluar.
Burimi