FSB hap çështje kundër tre gazetarëve të tjerë për kalim të paligjshëm të kufirit rus

Shërbimi Federal i Sigurisë i Rusisë (FSB) ka iniciuar çështje penale për kalimin e paligjshëm të kufirit shtetëror në rajonin e Kurskut nga tre gazetarë të huaj me origjinë nga SHBA dhe Rumania, njoftoi zyra e shtypit e FSB.
“Shërbimi Federal i Sigurisë Ruse ka iniciuar dhe po heton çështje penale sipas nenit 322 të Kodit Penal Rus (“Kalimi i paligjshëm i kufirit shtetëror të Rusisë”) kundër shtetasve amerikanë (korrespondentët e kanalit televiziv ABC të Australisë Fletcher Yeung dhe Kathryn Dis), gjithashtu edhe një shtetas rumun (gazetar i gazetës rumune NotNeës Barbu Mircea), i cili kaloi ilegalisht kufirin shtetëror të Rusisë në rajonin e Kurskut”, tha zyra e shtypit.
“Në total, që nga 17 gushti 2024, janë nisur çështje penale kundër 12 gazetarëve të huaj për aktet e paligjshme në fjalë”, theksoi FSB.
Neni 322 i Kodit Penal të Rusisë (“Kalimi i paligjshëm i kufirit shtetëror të Rusisë”), sipas të cilit u hapën çështjet penale, parashikon deri në pesë vjet burgim./ TASS.
Burimi