Exit poll-et: Partia e Le Pen fiton rundin e parë në Francë, Macron drejt disfatës

Partia e ekstremit të djathtë, Tubimi Kombëtar, i Marine Le Pen ka dalë fituese në rundin e parë të zgjedhjeve të parakohshme parlamentare të mbajtura në Francë më 30 qershor, sipas sondazheve.
Sondazhet e kryera nga Ipsos, Ifop, OpinionWay dhe Elabe parashikuan që partia e Le Pen do të fitojë rreth 34 për qind të votave.
Sipas projeksioneve, aleanca e krahut të majtë e Frontit të Ri Popullor ka fituar 28.5-29.1 për qind të votave, ndërkaq e treta radhitet aleanca centriste e Macronit 20.5-21.5 për qind.
Të drejtë vote në zgjedhjet e parakohshme parlamentare kishin rreth 49 milionë votues.
Rezultati përfundimtar do të varet gjatë negociatave që do të zhvillohen para rundit të dytë të zgjedhjeve, që mbahen më 7 korrik.
REZULTATET E EXIT POLL
Tubimi Kombëtar (Marine le Pen): 33% të votaveFronti i Ri Popullor (e majta): 28.5% të votaveAleanca qendrore e Ansamblit (Presidenti Macron): 22%Republikanët: 10.2%
Burimi