Studentët thërrasin protestë kombëtare të shtunën para Ministrisë së Arsimit: S’ka dialog me autokracinë!

Pas protestës së sotme para Parlamentit, studentët kanë thirrur një protestë kombëtare ditën e shtunë, më 24 tetor, para Ministrisë së Arsimit. Ndërkohë, sot u shënua dita e dhjetë e protestës së studentëve, të cilët vijojnë të kërkojnë plotësimin e kërkesave të tyre. Gjatë nëntë ditëve të fundit, protestat janë shoqëruar me përplasje mes studentëve dhe policisë, si dhe djegie të objekteve institucionale.