Studentët dhe pedagogët lënë Ministrinë e Arsimit, protesta zhvendoset para Kryeministrisë

foto TIRANË- Protesta studentore e kësaj të mërkure është zhvendosur nga Ministria e Arsimit drejt Kryeministrisë ku studentët të mbështetur edhe nga pedagogët kanë vijuar tubimin e tyre me kërkesa për ndryshime në drejtimin politik të vendit. Pas protestës së zhvilluar përpara Ministrisë së Arsimit pjesëmarrësit janë nisur në drejtim të godinës së Kryeministrisë, duke vijuar kështu reagimin e tyre në kuadër të protestës kombëtare. Ndër kërkesat e artikuluara nga protestuesit është edhe largimi i kryeministrit Edi Rama, ndërsa studentët kërkojnë gjithashtu krijimin e një qeverie teknike e cila do të mundësonte organizimin e zgjedhjeve të lira dhe demokratike në Shqipëri. Tashmë, protesta është përqendruar përpara Kryeministrisë, ku studentët dhe pedagogët po përcjellin mesazhet dhe kërkesat e tyre përmes këtij tubimi./ZËRI