Rafael Leao fërshëllehet në San Siro dhe del në merkato, portugezi ‘zhduket’ nga rrjetet sociale

‘Më vjen keq, kjo faqe nuk është e disponueshme’. Pas fërshëllimave të San Siros dhe momentit të zëvendësimit në ndeshjen me Juventusin, Rafael Leao vendosi të shkëputet për pak kohë nga rrjetet sociale. Portugezi mbylli llogarinë e tij në Instagram të cilën shpesh e përdorte për të festuar apo për t’i dhënë mesazhe  botës kuqezi. Në një prej momenteve më të vështira të sezonit të tij, me luzitanin që nuk shënon që nga 1 marsi, me Botërorin në horizont dhe një të ardhme të pasigurt(kontrata i skadon pas 2 vitesh, por Milan është gati të dëgjojë ofertat e mundshme), Rafael Leao ka vendosur të stakohet për momentin nga rrjetet sociale për të rigjetur sadopak qetësinë. Do të kthehet në Instagram kur të gjejë sërish rrugën...