Lecce-Fiorentina mbyllet 1-1, Tiago Gabriel i përgjigjet golit të Harrison, skuadrat ndajnë pikët në “Via del Mare”

Skuadra e Di Francescos rikuperon sërish pikë në tabelën e klasifikimit, por mbetet në vendin e tetëmbëdhjetë (i treti nga fundi). Vanoli rrit diferencën ndaj Cagliarit. Java e 33-të e Serie A u mbyll me barazimin midis Lecces dhe Fiorentinës në stadiumin “Via del Mare”. Skuadra vjollcë dhe ajo verdhekuqe u ndanë në barazim 1-1 në Puglia. Ishte Harrison ai që zhbllokoi rezultatin pas gjysmë ore lojë, duke shënuar golin e tij të parë për klubin toskan (ish-lojtari i Leeds dhe Everton). Më pas, Tiago Gabriel riktheu barazimin e shifrave, duke shënuar për skuadrën salentine me një goditje me kokë në minutën e 71-të, duke i dhënë fund agjërimit prej tri ndeshjesh pa shënuar për formacionin e drejtuar nga Di Francesco. Top Channel