Botërori në duart e miliarderëve? Jared Kushner i gatshëm për të blerë Kupën e Botës

Sipas gazetës ‘The Times’, FIFA planifikon të shesë rreth 20% të vlerës komerciale të Kupës së Botës, me një vlerë prej 4.2 miliardë dollarësh, investitorëve privatë. Mes investitorëve të mundshëm përmendet edhe familja Kushner, e Jared Kushner, dhëndrit të presidentit amerikan Donald Trump. Vetëm një orë pas publikimit të lajmit, FIFA e konfirmoi projektin, duke theksuar se ai synon “të çlirojë potencialin tregtar të futbollit”. Organizata e futbollit botëror premton se çdo njëra prej 211 federatave anëtare do të përfitojë 20 milionë dollarë, si dhe fonde shtesë për zhvillimin e futbollit. Megjithatë, kritikët argumentojnë se, në praktikë, investitorët privatë do të bëhen bashkëpronarë të të drejtave ekonomike të Kupës së Botës. Për të rritur fitimet e tyre, mund të ushtrohet presion për të ndryshuar formatin e turneut, duke rritur...