Skandal korrupsioni në prokurimin e dronëve në Ukrainë, përfshihen deputetë, zyrtarë dhe anëtarë të Gardës Kombëtare

Organi mbikëqyrës kundër korrupsionit në Ukrainë njoftoi të shtunën se ka zbuluar një skemë të madhe korrupsioni që përfshin kontrata shtetërore për blerjen e dronëve ushtarakë dhe sistemeve për bllokimin e sinjaleve, me çmime të fryra artificialisht. Sipas një deklarate zyrtare të publikuar në rrjetet sociale, çështja përfshin një deputet në detyrë, dy zyrtarë vendorë dhe disa anëtarë të Gardës Kombëtare. Emrat e të përfshirëve nuk janë bërë publikë, por raportohet se katër persona janë arrestuar. “Shtylla e kësaj skeme ishte lidhja e kontratave shtetërore me kompani furnizuese me çmime të fryra qëllimisht,” thuhet në deklaratën e përbashkët të Byrosë...