Shqiptarët votuan! Shkodra, Fieri dhe Elbasani vulosën shumicën e Ramës

Tashmë që rezultatet po shkojnë drejt certifikimit, emocionet e numërimit të votave ditët e para po ia lënë vendin ftohtësisë së shifrave dhe rezultateve që solli 11 Maji. Shqiptarët votuan dhe vendosën që në Parlamentin e ri të kenë një shumicë të cilësuar deputetësh që do t’i përkasin vetëm një partie politike, dhe ajo është Partia Socialiste. Po të shohësh tabelat e rezultateve të prodhuara nga Komisioni Qendror i Zgjedhjeve kupton në një vështrim të përgjithshëm se dy partitë që pësuan rritje në nivel kombëtar, krahasuar me katër vjet më parë, janë PS-ja dhe Partia Socialdemokrate. Socialistët siguruan 88.184 vota...