SHBA vijon sulmet ndaj objektivave të Houthi në Jemen, ushtria publikon pamjet

Vazhdojnë sulmet e forcave amerikane në Jemen, kundër grupit pro-iranian Houthi. Komanda Qendrore e SHBA (CENTCOM) konfirmoi bombardimet përmes një postimi në rrjetin social X. Aty u publikuan dy video nga momenti i lëshimit të raketave lundruese dhe ngritjen e avionëve luftarakë-bombardues. Sipas mediave të lidhura me Houthi “Al Masirah”, në orët e fundit forcat amerikane kanë goditur disa zona midis kryeqytetit Sana’a, Hodeidah dhe Sa’da, në Jemenin perëndimor. Presidenti Trump ka paralajmëruar se sulmet ushtarake amerikane do të vazhdojnë ndaj Houthi-ve sa kohë ata nuk ndalin aktet e sabotazhit ndaj anijeve tregtare në Detin e Kuq.