“Sakrifica dhe solidariteti kanë rëndësi për shoqëri më të mirë “/ Kurti vizitë në Bashkësinë Islame të Kosovës

Albin Kurti, kryeministri në detyrë, pasi vizitoi Bashkësinë Islame të Kosovës, uroi myslimanët për Kurban Bajramin dhe nënvizoi rëndësinë e sakrificës dhe solidaritetit për ndërtimin e një shoqërie të drejtë dhe të mirë. “Le të mbajmë zemrat plot gëzim dhe besim, dhe tryezat e bashkuara me miqësi,” deklaroi Kurti. Ai falënderoi BIK-un për punën dhe kontributin e tyre në shoqëri, duke theksuar se duhet të kujdesemi për ata në nevojë jo vetëm sot, por çdo ditë, dhe të mbajmë në zemër vlerat e bashkëpunimit dhe ndihmës reciproke.