Rrethimi nuk e ndali, nëna që u bë simbol i qëndresës në Jemen ngjitet në shtigjet malore për të varrosur vajzën

Një nënë nga qyteti i rrethuar i Taizit, në Jemen, është kthyer në simbol të qëndresës përballë pasojave të luftës, pasi mbajti trupin e vajzës së saj në krahë dhe u ngjit në shtigjet e vështira malore të malit Sabr, për t’i siguruar një varrim dinjitoz. Pamjet e gruas duke mbajtur të bijën e pajetë kanë prekur shumë jemenas, të cilët kanë shprehur ngushëllimet dhe mbështetjen e tyre për tragjedinë që ajo përjetoi gjatë dy ditëve të fundit. Nëna humbi vajzën e saj, Musira, si dhe bashkëshortin 65-vjeçar, Mohammed Qassem Ali Abdullah al-Naqib, gjatë sulmeve që u atribuohen rebelëve Huthi kundër fshatit Al-Adhan, në zonën Al-Nidani të provincës Sabr al-Mawadim. Pavarësisht rrethimit nga Huthitë dhe kushteve jashtëzakonisht të vështira të udhëtimit, gruaja nuk hoqi dorë...