Rreth 79 mijë fëmijë të zhvendosur në Jemenin perëndimor brenda një muaji

Rreth 79,000 fëmijë janë zhvendosur në Jemenin perëndimor në më pak se një muaj, mes përshkallëzimit të luftimeve ndërmjet forcave qeveritare dhe Houthive, tha UNICEF-i të enjten vonë. “Në të gjithë Jemenin perëndimor, rifillimi i armiqësive dhe ndryshimi i vijave të frontit e kanë thelluar një krizë humanitare tashmë shkatërruese”, tha agjencia e OKB-së për fëmijët në një raport. Ajo tha se luftimet në provincat Taiz dhe Al Hudaydah, në bregdetin perëndimor dhe në zonat përreth, i kanë detyruar familjet të largohen përsëri, duke lënë pas shtëpitë, sendet personale dhe mjetet e jetesës. “Midis 3 shtatorit dhe 30 shtatorit, më shumë se 145,000 njerëz janë zhvendosur, përfshirë rreth 79,000 fëmijë”, tha UNICEF-i. Agjencia paralajmëroi se përshkallëzimi i fundit vjen në një situatë tashmë të rëndë...