Revoltë nga studentët në Tiranë, 23 persona të arrestuar. PS dënon dhunën, PD akuzon qeverinë për represion

Për më shumë se 4 orë, Ministria e Arsimit dhe ”Rruga e Durrësit”, u shndërruan në një fushë beteje mes studentëve dhe jo vetëm dhe Policisë së Shtetit. Ndryshe nga herët e tjera, protestën e nisur prej orës 14:00 përballë Ministrisë së Arsimit, këtë të martë studentët e mbajtën me revoltë. Ata shkulën gardhin metalik rrethues të godinës, gjuajtën me pllaka guri që i shkulnin nga trotuari, dhe kanë thyer xhamat e Ministrisë. Më herët gjatë protestës, studentët hodhën ujë me ngjyrë, vezë dhe shkruan fjalë në muret e Ministrisë së Arsimit. “Ju erdhi fundi”, “Dorëheqje”, kanë qenë disa nga mbishkrimet. Policia e Shtetit ka shoqëruar 23 persona pas episodeve të dhunës gjatë tubimit të zhvilluar mesditën e sotme pranë godinës së Ministrisë së Arsimit....