Raporti i SPAK: Në 2024 u shkatërruan 16 organizata kriminale të rrezikshme, nën hetim 33 ish-zyrtarë të lartë

Prokuroria e Posaçme Antikorrupsion publikoi këtë të mërkurë raportin për vitin 2024, ku theksohet progresi në luftën ndaj korrupsionit. Në raportin e dorëzuar në Kuvend, SPAK bën me dije se janë shkatërruar 16 organizata kriminale me rrezikshmëri të lartë shoqërore. “Sipas vlerësimit të brendshëm të SPAK, janë identifikuar rreth 16 grupe kriminale me rrezikshmëri të lartë shoqërore, të cilat janë të mbështetur në lidhje familjare dhe miqësore dhe janë të përfshirë edhe në tregjet ndërkombëtare kriminale, kryesisht në trafikun e kokainës. Këto grupe janë aktive në qarqet e Tiranës, Durrësit, Shkodrës, Kukësit, Lezhës, Elbasanit dhe Vlorës. SPAK ka arritur të...