Qytetarët përmbyllin fjalimet te Kryeministria, protestuesit nisin marshimin në rrugët e Tiranës

Qytetarët kanë përmbyllur fjalimet në bulevardin ‘Dëshmorët e Kombit’, duke nisur marshimin tashmë të përnatshëm nëpër rrugët e Tiranës. Gjatë fjalimeve të mbajtura, protestuesit e shumtë të mbledhur para Kryeministrisë kanë shfaqur revoltën e kritikat në drejtim kryeministrit Edi Rama dhe qeverisë së tij. Aksioni i revoltës qytetare do të vijojë me marshimin në rrugët kryesore të Tiranës. Qytetarët e shumtë kanë nisur marshimin drejtuar pikës qendrore të kryeqytetit, duke brohoritur njëzëri thirrje si “Shqipëria e shqiptarëve”, “Arrestoni Ramën”, ‘Shteti i rënë’ etj.