Portreti i rrallë, ja si ishte pamja e vërtetë e Ali Pashë Tepelenës

Nga: Dorian Koçi Periudha e fundit të shekullit të XVIII dhe fillimit të shekullit të XIX, periudhë që fillon me interesimin e Fuqive të Mëdha për rajonin e Ballkanit, gjë që korrespondon, përveç pranisë diplomatike dhe ushtarake të Francës, Rusisë dhe Anglisë në këto territore, edhe me një rritje të numrit të udhëtarëve të huaj – kryesisht anglezë dhe francezë që vizitojnë Pashallëkun e Janinës. Në fillim të shekullit të XIX udhëtimi tradicional pësoi një ndryshim themelor. Një mori udhëtarësh dhe studiuesish, herë si qytetarë të thjeshtë, herë si eksploratorë, e herë si të dërguar të qeverive të tyre, do përshkonin territorin e Epirit dhe Greqisë për të njohur nga afër territoret ku kishte lindur kultura e lashtë që i kish magjepsur, duke nxitur një...