Po i drejtonte pyetje kryetares së Parlamentit, oficeri i sigurisë e rrëzon gazetaren përtokë

Gazetarja bullgare Sonya Koltuklieva është shtruar në spital pasi një oficer i Shërbimit Kombëtar të Mbrojtjes (NSO) e shtyu dhe e rrëzoi në tokë jashtë selisë së partisë “Bullgaria Progresive” në Sofje. Ajo po trajtohet për dhimbje të forta në shpatull dhe mjekët po kryejnë ekzaminime të mëtejshme për të përjashtuar dëmtime të brendshme. Ngjarja ndodhi të enjten, kur Koltuklieva po përpiqej t’i drejtonte pyetje kryetares së Parlamentit, Mihaela Dotsova, lidhur me një falje presidenciale kontroverse. Pamjet e publikuara tregojnë momentin kur oficeri e shtyn gazetaren, e cila bie në trotuar, ndërsa më pas autokolona largohet. Incidenti ka shkaktuar reagime të forta politike dhe thirrje për dorëheqjen e Dotsovës dhe kreut të NSO-së, Emil Tonev. Prokuroria ka nisur procedurat paraprake, ndërsa shërbimi i sigurisë ka...