Përfshihet nga flakët makina në Bulqizë, shpëtojnë pa lëndime drejtuesi dhe pasagjerët

Një automjet është përfshirë nga flakët gjatë lëvizjes, ditën e sotme në Bulqizë. Sipas raportimeve, flakët kanë nisur në pjesën e pasme makinës tip "Benz" dhe më pas kanë depërtuar edhe në pjesën e parë të makinës. Bëhet me dije se drejtuesi i makinës dhe pasagjerët që ndodheshin në automjet kanë arritur të shpëtojnë pa lëndime nga zjarri.  Policia e Bulqizës ka nisur hetimet, ndërsa dyshohet se shkak i rënies së zjarrit të ketë qenë shkëndijë elektrike në rrjetin e impiantit të makinës.