“Zhgënjimi më i madh i jetës time është Lulzim Brava”- Berisha: E bëri veten personazh, tejkaloi çdo njeri që unë njoh

Panorama.com.al

12/12/2024

👁2139

Për kreun e Partisë Demokratike, Sali Berisha zhgënjimi më i madh i jetës së tij është Lulzim Basha, madje edhe gabimi më i madh në karrierën politike.

Ish-kryeministri tha se Basha u tregua i pabesë, ndërsa me disa qëndrime tejkaloi çdo njeri që ai njihte.
“Zhgënjimi më i madh i jetës time është Lulzim Brava, e bëri jetën personazh. Hajde pabesinë nuk e ka vetëm ai, por le ta lëmë mënjanë. Por pastaj kur u fut në ato procese me brava dhe blinda…Me disa qëndrime dhe sjellje tejkaloi çdo njeri që unë njoh”, tha Sali Berisha në Opinion.
Po ashtu, Sali Berisha tha se Lulzim Basha nuk ka asnjë shans që të futet në listat e kandidatëve për deputet në zgjedhjet e ardhshme.
Me ironi, Berisha tha se të thuash Lulzim Basha është njëlloj si të thuash Taulant Balla.
BISEDA ME BASHEN
Berisha tregoi pse hyri në fushatë dhe çfarë bisedoi me Bashën pasi e përjashtoi nga grupi parlamentar i PD-së si pasojë e “non gratës”.
“Në 2021, pasi bëra një fushatë 1 vjetore për të bindur shqiptarët që të votojnë për Bashën, unë i kam thënë: Unë nuk do të kandidoja, por meqë influenca ime në PD del e lartë, moskandidimi mund të na dëmtojë. Në rast se kandidoj, kandidoj vetëm për këtë qëllim. Më kërkoi që të shkoj në Shkodër. Unë them që kam qenë i vendosur, më propozoi të shkoj në Shkodër. I them jo, sepse e ndaj fushatën. Mediat për të të injoruar ty do merren me mua, por unë jam i interesuar të fitojë PD dhe jo Berisha. Nuk gjen 15 minuta fushatë të Berishës në zgjedhjet e 2021.
Ka ardhur Filip Riker dhe kërkon këtë këtë. I thashë, thuaj që listën nuk mund ta bëjë askush tjetër përveçse shqiptarët. Ky del, pret datën 9 shtator dhe njofton se nën presionin e madh të ambasadores etj…. I them që ke marrë një vendim të papazë, por pavarësisht i thashë mblidh Këshillin Kombëtar apo Kuvendin e partisë. Mu përgjigj në telefon dhe më tha unë nuk bëj mbledhje antiamerikane”, tregoi Berisha.

NDIQE LIVE “PANORAMA TV”