Shpërthim me eksploziv në një agjenci funerale, ja dyshimet e policisë për ngjarjen

Panorama.com.al

29/08/2024

👁6126

Një sasi lëndë eksplozive e dyshuar si tritol ka shpërthyer në afërsi të urgjencës së spitalit rajonal të Shkodrës. Dyshohet se tritoli është vendosur në derën e një agjencie funerale që ndodhet aty afër.

Ngjarja ka ndodhur në orët e para të mëngjesit të sotëm. Nga ky shpërthim mësohet se nuk ka të lënduar, por vetëm dëme materiale.
Në vendngjarje mbërritën forcat e policisë duke nisur hetimet për zbardhjen e plotë të shpërthimit me lëndë eksplozive. Nga dyshimet e para policia mendon se kjo ngjarje mund të lidhet me konkurrencën mes agjencive funerale në Shkodër por nga ana tjetër po hetohen edhe pista të tjera të mundshme.
Shkodër/Informacion paraprak
Rreth orës 03:20, në lagjen “Skenderbeg”, në derë e një agjensie funerale në pronësi të shtetases F. F., është hedhur një sasi e vogël lëndë plasëse.
Si pasojë ka vetëm dëme materiale.
Grupi hetimor nën drejtimin e Prokurorisë vijon veprimet për sigurimin e provave me qëllim identifikimin dhe kapjen e autorit/ve.

NDIQE LIVE “PANORAMA TV”